Pieramovy kiraŭnictva Biełarusi i Rasii ŭ Sočy dali pažyvu dla samych roznych viersij i insinuacyj.
Faktyčna niejkich aficyjnych vynikaŭ ni z rasijskaha, ni ź biełaruskaha boku nie było. Tamu analitykam i žurnalistam zastajecca tolki hadać. Pahladzieli, što pisali na hetuju temu ŭ Rasii.
«Niazyhar»
«Ekśpierty kažuć, što ŭ Biełarusi moža być abrany «jelcynski scenar» tranzitu ŭłady. Novy premjer ź vialikaj vierahodnaściu i źmienić Łukašenku.
Adrazu niekalki krynic u dźviuch delehacyjach skazali, što pieramovy ŭ Sočy byli niaprostymi i Maskva hranična žorstka vykazała svaju niezadavolenaść taktykaj Minska.
«Hałoŭnaje — prablema nie vyrašana, pytańni adkładzienyja. Choć Minsk śćviardžaje, što ŭsio pad kantrolem — heta daloka nie tak. Prablemy narastajuć, ekanamičny kryzis u najaŭnaści, kanflikt z hramadstvam nie vyrašany, stratehija represij pavialičvaje ryzyki na fonie aktyvizacyi Zachadu».
Łukašenka ŭ Sočy paprasiŭ jašče paŭhoda dla zaviaršeńnia «tranzitu ŭłady». Maskva vystupić harantam zachavańnia damoŭlenaściej padčas «tranzitu».
Nie vyklučana, što premjer Hałoŭčanka, kiraŭniki KDB, MUS i MZS da 15 sakavika buduć adpraŭlenyja ŭ adstaŭku. «Kanflikt unutry atačeńnia Łukašenki ŭzmacniaje kryzis. Kamandy bjucca adna z adnoj za budučyniu i sasłablajuć uładu. Jana padzialiłasia na mnostva hrup i hrupovak — i Łukašenka ŭžo naŭrad ci ich usich kantraluje».
Sam Łukašenka da 1 maja praviadzie sustreču z apazicyjaj, u tym liku členami KS, Łatuškam i Cichanoŭskaj, pieradaje «Niazyhar». Usie abvinavačvańni ź ich buduć źniatyja. Rasśledavańnie spravy pa Biełhazprambanku pavinna być zakrytaje. Da 15 krasavika Babaryka i Kaleśnikava pavinny być vyzvalenyja.
Urad Biełarusi da 1 krasavika padrychtuje dakumienty dla prodažu «Hrodna Azot». Kredyt $1,2 młrd na madernizacyju. Da 15 krasavika projdzie ŭzhadnieńnie ŭmoŭ pa prodažach inšych aktyvaŭ. Novyja rasijskija kredyty abiacany tolki pad novaha premjera i zapusk «tranzitu».
«Palitrynh»
«Što ŭžo viadoma? Pa-pieršaje, kredytu nie dali. Zrešty, Łukašenka, vypraŭlajučysia ŭ Sočy, i sam kazaŭ, što pazyku prasić nie źbirajecca, ale razmovy pra kredyt u 3-3,5 miljarda chadzili vielmi ŭpartyja. Zatoje Łukašenka zavioŭ razmovu ab raźvićci biełaruskaha chimpramu, jaki budzie spažyvać rasijski haz, i, u pryvatnaści, madernizacyi «Hrodna-Azota», vielmi ciažkaj dla biednaj biełaruskaj kazny.
Paśla hetaha, zrazumieła, adrazu pajšli razmovy ab prodažy pramysłovaha hihanta «Hazpromu», źjavilisia navat źviestki pra ceły śpis biełaruskich pramysłovych hihantaŭ, prapanavanych na prodaž. Voś tolki ci pahodziacca fłahmany rasijskaha biznesu ŭkładvać miljardy ŭ kankurentaŭ na terytoryi palityčna niestabilnaj dziaržavy, viadomaj svajoj «šmatviektarnaściu»?
«Bulba tronaŭ»
«Łukašenka choča vielizarnyja hrošy za arendu vajskovych abjektaŭ RF. Hienštabu RŁS nie patrebna, a płacić za vuzieł suviazi dziaržaparat nie choča. Tamu navat pa vajskovych abjektach moža razharecca baraćba. Pa darožnych kartach usio vielmi drenna. Nu vyratavali Łukašenku ŭletku, hienii, atrymajcie. Klučavyja jon navat i blizka ŭzhadniać nie źbirajecca, i ciapier uzhodniena mienš, čym raniej.
Kanstytucyju Łukašenka choča piłavać da vosieni, a ŭvosień znoŭ kinuć. Jamu kažuć, što ŭ jaho niama mahčymaści fizična zachavać da vosieni. Nahadaju, što minułaj vosieńniu jamu skazali, što ŭ jaho niama mahčymaści zachavać da Novaha hoda. Tamu jon nikoli i nie budzie ŭsprymać surjozna tych, chto nie moža adkazvać za svaje ŭltymatumy. Znoŭ kinie i ničoha jamu nie budzie.
Uvohule, pieramovy — poŭny pravał dla RF. Tamu i vypinajuć vakcynu. Choć heta naohuł nie niejki intehracyjny prahres, a prosta, kab biełaruskich hastarbajtaraŭ pryščapić».
«Kamiersant»
«Ad sustreč Uładzimira Pucina i Alaksandra Łukašenki zaŭsiody niečaha čakajuć — a darma. Bo sami jany daŭno, naprykład, užo ničoha nie čakajuć.
Uvohule, prezident Biełarusi nie razvažaŭ jak čałaviek, jaki źbirajecca naohuł kudy-niebudź i kali-niebudź sychodzić sa svajoj pasady. Płanaŭ jon demanstravaŭ mora:
— My až 33, pa-mojmu, napramki paznačyli — pamiatajecie hetyja «darožnyja karty», jakija my vypracavali?..
Alaksandr Łukašenka adčuvaŭ zadavalnieńnie ad hetych uspaminaŭ — viadoma, jon ža atrymlivaŭ pad ich čarhovyja kredyty».
«Ukraina.ru»
«Hałoŭnaje pa sutnaści palityčnaje pytańnie: kali ŭ Biełarusi buduć adbyvacca realnyja palityčnyja źmieny. I ci mahčymyja jany naohuł. Jak minimum heta možna budzie ŭbačyć u 2022-m, a chutčej za ŭsio 2023-m hodzie. Tranzit ułady ŭ Minsku — pytańnie času. Tamu što Pucinu treba stabilny stan rasijska-biełaruskich adnosin. Rasija — asnoŭny ekanamičny sponsar Biełarusi. Maskva maje prava raźličvać na dyvidendy ad svaich inviestycyj u vyhladzie zachavańnia stratehičnaha partniorstva Maskvy i Minska na praciahu žyćcia nie tolki ciapierašnich, ale i nastupnych pakaleńniaŭ. Voś jakaja karcina adkryvajecca za samitam u Sočy».
«Svabodnaja presa»
«Tearetyčna Łukašenka pavinien atrymać kredyt, ale nielha skazać, što Minsk biez kredytu nie vyžyvie. Prosta dzieści ŭ čymści pryjdziecca ścisnucca i jašče bolš padarvać hramadski dahavor pamiž Baćkam i nasielnictvam (stabilnaść u abmien na zhodu na aŭtarytarnuju ŭładu)».
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary