U knizie «Biełaruski Danbas» Kaciaryny Andrejevaj i Ihara Iljaša znajšli «prykmiety prajavaŭ ekstremizmu»
Vyśvietliłasia heta nastupnym čynam.
U śniežni žurnalist Raman Vasiukovič viartaŭsia z Kijeva ŭ Minsk. Jaho nakiravali na ŭzmocnieny nadhlad u aeraporcie, kanfiskavali noŭtbuk i dva asobniki knihi. Knihu adpravili na ekśpiertyzu.
Noŭtbuk jamu hatovyja viarnuć, ale 24 lutaha na jaho skłali pratakoł pavodle č. 1 art. 17.11 KaAP RB — u knihach znajšli «prykmiety prajavy ekstremizmu», paviedamlaje «Biełsat».
Ciapier Vasiukoviču pahražaje štraf da 1450 rubloŭ za «raspaŭsiud infarmacyjnaj pradukcyi, jakaja źmiaščaje zakliki da ekstremisckaj dziejnaści» — takija zakliki znajšli ŭ knizie.
Kniha «Biełaruski Danbas» — žurnalisckaje rasśledavańnie Kaciaryny Andrejevaj i Ihara Iljaša pra ŭdzieł biełarusaŭ u vajnie na ŭschodzie Ukrainy, rolu biełarusaŭ i ŭpłyŭ kanfliktu na Biełaruś.
Kaciaryna Andrejeva na minułym tydni razam z Darjaj Čulcovaj była asudžanaja na dva hady kałonii za strym z płoščy Pieramienaŭ.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary