Twitter źbirajecca ŭvieści płatnyja padpiski i za ich košt płacić papularnym karystalnikam
Pradstaŭniki papularnaj sacsietki paviedamili, što źbirajucca ŭvieści płatnyja padpiski z metaj pavialičyć svoj hadavy dachod i paskoryć rost karystalnikaŭ.
Twitter płanuje ŭvieści novuju płatnuju funkcyju Super Follows, dziakujučy jakoj ludzi, što raźmiaščajuć kantent na płatformie, buduć atrymlivać ad hetaha dachod. Kampanija spadziajecca atrymać adabreńnie hetaha novaŭviadzieńnia siarod upłyvovych karystalnikaŭ, jakija majuć vialikuju kolkaść padpisantaŭ, piša The Wall Street Journal.
Płatnyja padpiski sacsietka źbirajecca ŭvieści ŭžo sioleta. Adnak kampanija pakul što nie raskryvaje padrabiaznaściej, jak mienavita heta budzie pracavać i jaki adsotak z prodažu hetaj funkcyi budzie atrymlivać niepasredna Twitter.
Pradstaŭniki kampanii śćviardžajuć, što takaja madel, dzie padpisanty finansujuć kantent, jaki jany ceniać bolš za ŭsio, zadavalniaje intaresy i stvaralnikaŭ kantentu, i spažyŭcoŭ.
Kampanija raskryła svaje płany na anłajn-mierapryjemstvie dla analitykaŭ i adznačyła, što ŭviadzieńnie płatnaj padpiski — častka bolš ambicyjnaj mety pavialičyć dachod kampanii z $ 3,7 miljarda, što było atrymana letaś, da $ 7,5 miljarda da 2023 hoda.
Pierachod na płatnuju padpisku dapamoža sacsietcy mienš zaležyć ad rekłamy, jakaja skłała 86% ad ahulnaha dachodu kampanii za 2020 hod.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary