23 sakavika za «źbićcio» Azaronka buduć sudzić pierakładčycu Volhu Kałackuju — joj pahražaje da 6 hadoŭ turmy
Praces nad pierakładčycaj Volhaj Kałackaj raspačniecca ŭ aŭtorak, 23 sakavika, a 10:30 u sudzie Frunzienskaha rajonie Minska, piša BAŽ.
Pierakładčycu Volhu Kałackuju vinavaciać u złosnym chulihanstvie (art. 339 Kryminalnaha kodeksa) — nibyta padčas adnoj z akcyj pratestu Volha naniesła niekalki ŭdaraŭ supracoŭniku STB Ryhoru Azaronku.
Volhu Kałackuju zatrymali 15 studzienia padčas zaniatkaŭ pa anhlijskaj movie. Pavodle č. 2 art. 339 Volzie Kałackaj pahražaje aryšt, albo abmiežavańnie voli da 3 hadoŭ, albo pazbaŭleńnie voli da 6 hadoŭ.
U svoj čas Volha pierakłała na biełaruskuju movu dziasiatki filmaŭ, sieryjałaŭ i knih, u tym liku Virdžynii Vułf, Tenesi Uiljamsa, Uiljama Hołdynha, Poła Ostera, Toni Parsanza, Artura Hołdena, «Hładyjatar», «Šrek», «Siamiejku Śmitaŭ» dy inšyja.
Z patrabavańniem nieadkładna vyzvalić Volhu vystupiŭ Amierykanski PEN (PEN America) i viadomaja kanadskaja piśmieńnica Marharet Etvud.
Da zatrymańnia Volha Kałackaja žyła ŭ Minsku z 89-hadovaj maci, jakoj patrabujecca dahlad. Ciapier dapamahać maci adhuknulisia siabry i vučni Volhi.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka3
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2525
Kamientary