Hienprakuratura: Cichanoŭskaja rychtavała vybuchi i padpały ŭ Minsku
Hienprakuratura Biełarusi zaviała kryminalnuju spravu za padrychtoŭku aktu teraryzmu, paviedamiŭ žurnalistam hienieralny prakuror Andrej Švied, pieradaje BiełTA.
«Hienieralnaj prakuraturaj na padstavie materyjałaŭ, pradstaŭlenych Kamitetam dziaržaŭnaj biaśpieki i MUS, u dačynieńni da Cichanoŭskaj i ŭdzielnikaŭ tak zvanaj inicyjatyvy BYPOL raspačataja kryminalnaja sprava za padrychtoŭku aktu teraryzmu arhanizavanaj hrupaj pavodle art.289 Kryminalnaha kodeksa. Nazvanyja asoby niekalki dzion tamu sprabavali ździejśnić vybuchi i padpały na terytoryi stalicy i inšych haradoŭ. Zatrymany z dokazami złačynstva hramadzianin Malejčuk užo daŭ pakazańni pra arhanizataraŭ i ŭdzielnikaŭ teraktu», — raspavioŭ Andrej Švied.
Nahadajem, što ŭ piatnicu byŭ zatrymany 35-hadovy žychar Pinščyny, jaki nibyta musiŭ na zahad «kahości z «Bajpoła» ździejśnić terakty na śmietnicy ŭ Čyžoŭcy i na terytoryi vajskovaj čaści ŭ Piečach.
Jak źviazany zatrymany Viačasłaŭ Malejčuk, Śviatłana Cichanoŭskaja i ŭdzielniki BYPOL, viedamstvy nie tłumačać.
«Bajpoł» nazvaŭ abvinavačvańni chłuśnioj i źviarnuŭ uvahu, što, naadvarot, sama inicyjatyva za niekalki dzion da taho publična papiaredžvała pra padrychtoŭku ŭładami pravakacyi z vybuchami.
Kamientary