Suprać fatohrafa Siarhieja Hapona, jaki ładziŭ Maślenicu ŭ Krevie, spynili administracyjny praces
Žycharu Kreva fatohrafu Siarhieju Haponu dasłali list, što ŭ dačynieńni da jaho vyniesienaja pastanova ab spynieńni spravy ab administracyjnym pravaparušeńni. U sakaviku jon zładziŭ dla miascovych žycharoŭ i minčukoŭ śviata Maślenicy, na jakoje ŭ vyniku zazirnuła i milicyja, piša Tut.by.
Rašeńnie Smarhonski RAUS patłumačyŭ tym, što ŭ dziejańniach Hapona adsutničaje skład administracyjnaha pravaparušeńnia, praduhledžanaha č. 2 art. 24.23 KaAP Respubliki Biełaruś. List datavany 26 sakavika, ale žychar Kreva atrymaŭ jaho tolki ŭčora (fota dakumienta jość u redakcyi).
Nahadajem, 14 sakavika Siarhiej Hapon zaprasiŭ biełarusaŭ śviatkavać Maślenicu na Jurjevu haru, častka jakoj źjaŭlajecca dvarom fatohrafa. Pryjazdžała ŭ tym liku Volha Chižynkova. Na śviacie taksama źjaviłasia milicyja:
— Dzieści za hadzinu da pačatku patelefanavaŭ učastkovy i papiaredziŭ, što praź niejki čas pryjedzie razam sa smarhonskaj milicyjaj, — uspaminaŭ toje, što adbyvajecca 14 sakavika Siarhiej. — Pa pryjeździe paprasili vyjści da ich, kab nie turbavać svajoj prysutnaściu haściej. Supracoŭnik sa Smarhoni skazaŭ, što bačyć va ŭsim parušeńnie zakona «Ab masavych mierapryjemstvach», i ŭručyŭ pozvu dla dačy piśmovych tłumačeńniaŭ. [15 sakavika] pytańni zadavali prostyja: dzie, što, u kolki. Asablivaja ŭvaha nadavałasia, jakim čynam zaprašaŭ haściej, ci adkryty ŭ mianie profil u Facebook, chto moh bačyć publikacyi.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary