Na administratarku žodzinskaha čata zaviali kryminalnuju spravu. U jaje doma zastałosia paŭtarahadovaje dzicia
Maderatarku čata «Žodzina dla žyćcia» Lidziju Koršun zabrała milicyja jašče 27 sakavika. Doma ŭ žančyny zastałosia paŭtarahadovaje dzicia, paviedamlaje spring96.org.
«Kraina dla žyćcia» piša, što ŭ dačynieńni da dziaŭčyny raspačataja kryminalnaja sprava č. 1 art. 342 KK (Arhanizacyja abo aktyŭny ŭdzieł u hrupavych dziejańniach, jakija hruba parušajuć hramadski paradak).
«My da hetaha nie viedajem dakładna, dzie jana znachodzicca. Pa niepaćvierdžanych źviestkach, utrymlivajecca na IČU Žodzina»,—pišuć u telehram čacie.
Pavodle infarmacyi pres-słužby UUS Minskaha abłvykankama, dziaŭčynu vyličyli supracoŭniki Žodzinskaha HAUS i UUS Minskaha abłvykankama «padčas mierapryjemstvaŭ pa niedapuščeńni destabilizacyi hramadska-palityčnaha stanovišča ŭ krainie».
Śćviardžajecca, što jana nibyta kaardynavała «dvarovy pratestavy ruch u horadzie, zaklikała da aktyŭnych dziejańniaŭ, pry hetym sama zaŭsiody zastavałasia doma». Pa paviedamleńni UUS, jana taksama publikavała abrazy na adras milicyjantaŭ u čacie hrupy «Karniki».
Na videazapisie dziaŭčyna kaža, što była maderatarkaj čata «Žodzina dla žyćcia». Pavodle jaje słoŭ, u abaviazki ŭvachodziła vydaleńnie paviedamleńniaŭ radykalnaha charaktaru i karystalnikaŭ za niekarektnyja vykazvańni. Dziaŭčyna śćviardžaje, što zakliki i abrazy nie ŭvachodzili ŭ jaje abaviazki i jana suprać hetaha.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary