Nieŭrołaha Rusłana Badamšyna zvolnili — u dzień vychadu ź SIZA jon pryjšoŭ na pracu paźniej
Urača funkcyjanalnaj dyjahnostyki Rusłana Badamšyna zvolnili z RNPC nieŭrałohii i niejrachirurhii. Pryčynaj stała toje, što 8 krasavika paśla vychadu ź SIZA doktar pryjšoŭ na pracu na dźvie hadziny paźniej.
Jak raspavioŭ doktar Tut.by, 8 krasavika jon vyjšaŭ ź SIZA ŭ Žodzinie paśla 15-ci sutak administracyjnaha aryštu a 7.30. U hety ž dzień a 12.00 jon byŭ na pracy.
— Administracyja sabrała schod, ja daŭ tłumačeńni, dzie ja byŭ. U piatnicu prynios dakumienty z suda, rachunki ź CIPa. Zdajecca, było ŭsio narmalna. A siońnia, u paniadziełak, raptam znoŭ pasiadžeńnie. Na im mianie znajomiać z pratakołam, što ja admoviŭsia padrabiazna patłumačyć, čamu ja u čaćvier vyjšaŭ na pracu a 12.00. Ja ŭ pratakole napisaŭ, što infarmacyja pakazanaja nie dakładna i ja nie admaŭlajusia. Ciaham hadziny prynios u administracyju bolš padrabiaznuju dakładnuju, čamu 8 krasavika vyjšaŭ paźniej na pracu. Ale da hetaha času ŭžo byŭ hatovy zahad ab maim zvalnieńni.
Rusłan Badamšyn ličyć svajo zvalnieńnie niezakonnym i źbirajecca padavać u sud.
Sprabavali zastupicca za doktara i jaho kalehi, ale vyniku heta nie dało.
Čytajcie taksama: «Pierad Dniom Voli načavaŭ nie doma, ale zasumavaŭ pa dzieciach i viarnuŭsia». Doktar Rusłan Badamšyn raskazaŭ pra svajo piataje zatrymańnie
Słužyŭ u miedrocie ŭ Piečach, a ciapier vychodzić na pratesty. Historyja nieŭrołaha z RNPC, jaki trojčy siadzieŭ paśla vybaraŭ
Miedyki apublikavali strašnyja śviedčańni pra toje, što robiać ź ludźmi ŭ biełaruskich turmach
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary