Aleh Butkievič abrany staršynioj Kanfierencyi katalickich biskupaŭ Biełarusi
14 krasavika ŭ Minsku prajšło plenarnaje pasiadžeńnie Kanfierencyi katalickich biskupaŭ u Biełarusi, prymierkavanaje da 30-hodździa adradžeńnia struktur Kaścioła ŭ našaj krainie, piša Satholic.by.
U pasiadžeńni ŭziali ŭdzieł usie biełaruskija ijerarchi i Apostalski nuncyj arcybiskup Ante Jozič. Prysutničaŭ taksama arcybiskup Tadevuš Kandrusievič, jaki paśla vychadu na piensiju i adychodu ad pastyrskaha kiraŭnictva Minska-Mahiloŭskaj archidyjacezijaj praciahvaje vykonvać šerah funkcyj u struktury KKBB.
Na pačatku pasiadžeńnia jaho ŭdzielniki pamalilisia za zdaroŭje Apostalskaha vizitatara dla biełaruskich hreka-katolikaŭ archimandryta Siarhieja Hajeka, jaki niadaŭna byŭ špitalizavany ź pnieŭmanijaj ŭ adnu ź minskich balnic, a taksama za ŭsich chvorych na karanavirus i miedycynskich rabotnikaŭ.
Hałoŭnym punktam paviestki pasiadžeńnia stała abrańnie novaha staršyni, pasada jakoha vyzvaliłasia paśla vychadu na piensiju arcybiskupa Tadevuša Kandrusieviča.
U vyniku hałasavańnia novym staršynioj Kanfierencyi katalickich biskupaŭ byŭ abrany biskup Viciebski Aleh Butkievič.
Namieśnikam byŭ abrany biskup Hrodzienski Alaksandr Kaškievič, Hienieralnym sakratarom KKBB byŭ abrany dapamožny biskup Hrodzienskaj dyjacezii Juzaf Stanieŭski.
Arcybiskup Tadevuš Kandrusievič, jaki zastajecca staršynioj Kamisii Božaha Kultu i Dyscypliny sakramantaŭ i Rady pa spravach ekumienizmu, byŭ abrany taksama staršynioj Kamisii pa spravach ahulnaha pastyrstva pry KKBB.
Udzielniki pasiadžeńnia abmierkavali praviadzieńnie sioletniaha Budsłaŭskaha festu. Było vyrašana, što tradycyjnyja ŭračystaści ŭ Nacyjanalnym sanktuaryi Maci Božaj Budsłaŭskaj projduć 2 i 3 lipienia ŭ letašnim farmacie, z zachavańniem naležnych sanitarnych pradpisańniaŭ i biez praviadzieńnia arhanizavanych pilihrymak. Achvotnyja mohuć ładzić pilihrymki ŭ indyvidualnym paradku.
Čytajcie taksama:
Katalicki biskup Viciebska: Pabudavanyja na kryvi sistemy ŭ historyi nikoli nie byli tryvałymi
Biskup Aleh Butkievič: Kaścioł zaŭsiody baronić hodnaść čałavieka, a vykazvańni śviataroŭ — abaviazak źviartać uvahu
* * *
U Viciebsku adbyłosia ŭračystaje paśviačeńnie novaha biskupa. Jaho paraŭnoŭvajuć z papam Franciškam
Biskup Aleh Butkievič syhraŭ na hitary «Try čarapachi»
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary