U Viciebsku adbyłosia ŭračystaje paśviačeńnie novaha biskupa. Jaho paraŭnoŭvajuć z papam Franciškam
U viciebskim kafiedralnym kaściole Jezusa Miłasernaha 18 studzienia adbyłasia vialikaja ŭračystaść - biskupskaje paśviačeńnie. Novym kiraŭnikom i duchoŭnym pastyram Viciebskaj dyjacezii z hetaha dnia staŭ adzin z samych maładych katalickich biskupaŭ u śviecie – 41-hadovy Aleh Butkievič, były probašč parafii Śviatoha Antonija Paduanskaha ŭ Viciebsku.
Imšu, padčas jakoj adbyłosia biskupskaje paśviačeńnie, uznačaliŭ apostalski nuncyj u Biełarusi Kłaŭdyjo Hudžeroćci. Jamu dapamahali mitrapalit Minska-Mahiloŭski arcybiskup Tadevuš Kandrusievič i staršynia Kanfierencyi biskupaŭ Alaksandr Kaškievič.
U śviatarskim asiarodku pra biskupa-naminanta havaryli, što heta nadzvyčaj ścipły čałaviek. «Heta — biełaruski ekvivalent papy Franciška. Nievialiki pakojčyk (navat nie kvatera!) — heta ŭsia jahonaja «plabanija»; ksiondz Aleh vielmi prosty i niepasredny ŭ kantaktach ź ludźmi, duža ŭraźlivy na patreby biednych, z dobrym sercam i dobrym vucham (adorany muzyčnymi i vakalnymi zdolnaściami). Aproč taho — rehularny hość va ŭniviersitecie imia Mašerava i ŭ Starasielskaj škole pad Viciebskam (jaho vystupy zaŭždy karystalisia vialikim popytam u studentaŭ i vučniaŭ), udzielnik tele- i radyjopieradač, i heta pry tym, što ŭvieś čas na jaho plačach była ciažkaja praca pa adbudovie kaścioła Śviatoha Antonija. Naskroź biełaruskamoŭny i prasiaknuty luboŭju da Biełarusi», — tak pra jaho vykazaŭsia katalicki publicyst Piotr Rudkoŭski.
Radujucca i vierniki: «Novy biskup — nadzvyčaj mocny viernik, sapraŭdny prykład dla inšych. A da taho ž jon małady, enierhičny i svoj, tutejšy. Jon ža naš ziamlak, brasłaŭski, biełaruski čałaviek. Rodnuju movu vydatna viedaje i razmaŭlaje tolki na joj. A jakija jon cudoŭnyja propaviedzi pramaŭlaje! Prosta ŭ samaje serca bje svaim słovam!»
***
Biskup Aleh Butkievič naradziŭsia 18 sakavika 1972 hoda ŭ vioscy Hierasimova Brasłaŭskaha rajona. Skončyŭ Biełaruski dziaržaŭny ahrarny techničny ŭniviersitet. U 1994 hodzie, pastupiŭ u Vyšejšuju duchoŭnuju sieminaryju ŭ Hrodnie.
Śviatarskaje paśviačeńnie pryniaŭ u 2000 hodzie. Vykonvaŭ abaviazki vikaryja parafii ŭ Navapołacku i Mijorach, probašča parafii ŭ Biešankovičach i Ule. Napraciahu dziesiaci hadoŭ, z 2003 hoda, byŭ probaščam parafii Śviatoha Antonija Paduanskaha ŭ Viciebsku i dekanam dekanatu Viciebsk-paŭnočny.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary