Siłaviki i śpiectechnika na vulicach, zatrymańni ŭ hadavinu Čarnobylskaj trahiedyi
Siońnia, u hadavinu trahiedyi na Čarnobylskaj AES, ułady zabaranili pravodzić tradycyjnaje šeście i mitynh. Kala 16.30 u centr Minska pačali ściahvać śpiectechniku — vadamioty, aŭtazaki, aŭtobusy ź siłavikami. Ad 17 hadzin 26 krasavika u Minsku milicyjaniery pačali spyniać ludziej, praviarać ich zaplečniki i telefony, taksama spyniać aŭtamabili. Taksama pačalisia i kropkavyja zatrymańni. Pravaabaroncy nazyvajuć imiony zatrymanych.
- Alaksiejeva Jaŭhienija (dziaŭčyna ź Miendzialejeva, u jakoj siońnia dzień naradžeńnia)
- Baryšnikava Darja
- Karpiej Ivan (zabrali z doma)
- Kircun Kaciaryna
- Krukoŭski Alaksiej (zatrymany kala doma)
- Rymša Uładzimir
- Eljaševič Iłona (zatrymanaja na vinšavańni siabroŭki z dniom naradžeńnia)
Kala 10 čałaviek było zatrymana ŭ dvary pa vuł. Miendzialejeva, kudy maładziony pryjšli pavinšavać svaju siabroŭku z dniom naradžeńnia i skančeńniem karancinu ŭ suviazi z karanavirusam. Chłopcy i dziaŭčaty byli apranutyja ŭ śpiecyjalnyja kaściumy i trymali płakaty. U chutkim časie ŭ dvor pryjechali supracoŭniki milicyi ŭ cyvilnym, jakija spačatku akružyli ludziej, pravieryli dakumienty, a potym usich zatrymali.
U minski ofis biełaruskaj partyi «Zialonyja» prabivalisia nieviadomyja. Pra heta paviedamiŭ staršynia partyi Dźmitryj Kučuk.
Jon adzin znachodzicca ŭ ofisie i nie moža vyjści, bo ŭ padjeździe i na vulicy dziažurać «cichary».
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary