Viadomy bajec Alaksiej Kudzin u chutkim časie moža być ekstradavany z Maskvy ŭ Biełaruś. Dźvie krynicy, znajomyja ź situacyjaj, paćvierdzili TUT.BY, što Kudzin sapraŭdy atrymaŭ niadaŭna dakumienty na ekstradycyju ŭ Biełaruś.
Advakaty Kudzina pry hetym vystupajuć suprać jaho vydačy i rychtujuć ciapier dakumienty ŭ Jeŭrapiejski sud pa pravach čałavieka (JESPČ).
Nahadajem, Alaksieja Kudzina zatrymali na akcyi pratestu niedaloka ad Maładziečanskaha haradskoha parku 10 žniŭnia. Adpuścili 21 žniŭnia, zavioŭšy ŭ dačynieńni da jaho kryminalnuju spravu i abraŭšy mieru strymańnia ŭ vyhladzie chatniaha aryštu. Na sudovaje pasiadžeńnie 19 listapada Kudzin nie źjaviŭsia. Jaho žonka raskazała, što ranicaj muž paviedamiŭ, što jedzie ŭ sud. Bolš jana jaho nie bačyła, na telefonnyja zvanki jon nie adkazvaŭ.
Paśla hetaha sudździa źmianiła mieru strymańnia z chatniaha aryštu na zaklučeńnie pad vartu, a Alaksieja Kudzina aficyjna abviaścili ŭ vyšuk. 21 studzienia stała viadoma ab zatrymańni Kudzina ŭ Maskvie na zapyt biełaruskich uładaŭ. Tady bolš za 300 biełaruskich spartoŭcaŭ napisali list u padtrymku Alaksieja Kudzina, a bajca nie stali ekstradavać u Biełaruś. Try apošnija miesiacy jon znachodziŭsia pad aryštam u Maskvie.
Ciapier čytajuć
Połk Kalinoŭskaha paviedamiŭ pra hibiel troch bajcoŭ3
Kamientary