Chmaračos «Hazproma» kala Nacyjanalnaj biblijateki zakansiervujuć
«Hazprom transhaz Biełaruś» pačaŭ praceduru kanservacyi niedabudavanaha šmatfunkcyjanalnaha centru na miescy byłoha aŭtavakzału «Maskoŭski» ŭ Miensku, piša Radyjo Svaboda.
Kompleks na miescy byłoha aŭtavakzału «Maskoŭski» pačali ŭzvodzić u 2015 hodzie. U Maskvie abiacali, što Biełaruś padobnaha abjektu «jašče nia bačyła». Ciapier vyhladaje, što moža i nie pabačyć.
«Vybar padradnaj arhanizacyi na raspracoŭku techničnaj dakumentacyi na kanservacyju, prajektnuju dakumentacyju ŭ pieraŭładkavańni časovych sietak elektrazabieśpiačeńnia na budaŭnictvie šmatfunkcyjanalnaha kompleksu ŭ miežach vulic Filimonava — Makajonka i praspektu Niezaležnaści», — adznačajecca na aficyjnym sajcie.
Kampanija hatovaja zapłacić amal 300 tysiač rubloŭ. Pracy pačnucca ŭ červieni i musiać zavieršycca da sakavika 2025 hodu.
Jak vynikaje z paviedamleńnia biełaruskaj «dački» rasiejskaha «Hazproma», takoje rašeńnie pryniataje pa zakančeńni troch miesiacaŭ z daty prypynieńnia budaŭnictva abjektu.
Užo praz hod paśla pačatku pracaŭ na abjekcie aktyŭnaść pačała zhortvacca, a nieŭzabavie budoŭlu zakanservavali. Inžynery spasyłalisia na składany hrunt, jaki moh «papłyć» pad amal 200-metrovym budynkam. Niahledziačy na toje, što abjekt istotna «abrezali» i ŭ vyšyniu, i ŭ funkcyjanalnaści, jon tak i zastaŭsia daŭhabudam.
Letaś «Hazprom» ad imia svajho pradstaŭnictva «Hazprom transhaz Biełaruś» prasiŭ biełaruskija ŭłady pieranieści termin zdačy abjektu na kaniec 2024 hodu, adnak termin investycyjnaj damovy ŭ Miensku nie praciahnuli. Tady «Hazprom» nie zaćvierdziŭ novy kaštarys na abjekt, budoŭlu prypynili.
Pieršapačatkova kompleks pavinien byŭ uklučać ofisnyja pamiaškańni, hatel, fizkulturna-azdaraŭlenčy kompleks, medyčny centar i parkinh.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary