Zvyčajna na toje, kab raspracavać antyvirusnyja leki i ŭchvalić ich užyvańnie, treba jak minimum niekalki hadoŭ. Tamu, akramia novych lekaŭ, navukoŭcy taksama šukajuć mahčymaść lačyć virusnyja chvaroby z dapamohaj užo isnujučych miedykamientaŭ, jakija byli stvoranyja dla inšych metaŭ, tłumačyć VVS.
Prablema ŭ tym, što leki, jakija pracujuć suprać adnaho virusa, redka dapamahajuć suprać astatnich. Virusy majuć vielmi raznastajnuju strukturu, pryčym roznyja ź ich pa-roznamu zachoŭvajuć hienietyčnuju infarmacyju (u formie DNK ci RNK). U virusaŭ taksama nie tak šmat białkovych strukturnych adzinak, na jakija mohuć uździejničać leki.
U dadatak, ź virusami bolš ciažka zmahacca, bo jany razmnažajucca ŭnutry čałaviečych kletak. To bok, kali my žadajem pieramahčy virus, treba trapić u kletku i ŭździejničać na kletačnyja pracesy, vielmi važnyja dla funkcyjanavańnia arhanizma, a heta vyklikaje pabočnyja efiekty. Možna zmahacca ź virusami i biez praniknieńnia ŭ kletku, ale heta ciažka, bo mocnaja virusnaja abałonka nie daje lekam uździejničać na sam virus.
Niahledziačy na hetyja prablemy, isnujuć leki suprać takich chvarob, jak hryp. Vučonyja taksama viedajuć, jak pavinny pracavać leki suprać karanavirusaŭ roznych typaŭ. Ale na raspracoŭku preparataŭ treba čas, i virusy taksama chutka mucirujuć. Tamu navat kali preparat užo hatovy, virus moža chutka raźvić ustojlivaść da jaho.
Jašče adna prablema — niekatoryja virusy (naprykład, VIČ) mohuć pierajści ŭ tak zvany śpiačy režym. U takim vypadku kletki, infikavanyja virusam, nie pradukujuć novyja virusnyja čaścinki, i adzinyja elemienty virusa ŭ kletcy — jaho hienietyčnaja infarmacyja. Tamu supraćvirusnym lekam niama z čym zmahacca, i virus vyžyvaje.
Ale paźniej, kali jon znoŭ prajaŭlaje aktyŭnaść, simptomy chvaroby viartajucca i čałaviek maje patrebu ŭ novym supraćvirusnym lačeńni. Heta pavyšaje vierahodnaść raźvićcia ŭ virusa ŭstojlivaści da lekaŭ.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary