Padatkovaja zapatrabavała ŭ Cichanoŭskaha zapłacić padatak sa znojdzienych za kanapaj 900 tysiač dalaraŭ. Toj nie pahadziŭsia i padaŭ skarhu ŭ sud
U Homieli 13 maja adbyłosia sudovaje pasiadžeńnie pa skarzie Siarhieja Cichanoŭskaha na rašeńnie padatkovaj ab spahnańni ź jaho praźmiernaha padatku z 900 tysiač dalaraŭ, jakija znajšli na jaho dačy za kanapaj. Sud Savieckaha rajona horada, dzie razhladałasia skarha, abviaściŭ pasiadžeńnie zakrytym, pišuć Mocnyja naviny.
Palitviazień śćviardžaje, što nie maje nijakaha dačynieńnia da hetych hrošaj. Padatkovaja, u svaju čarhu, patrabuje vypłacić ź ich praźmierny padatak. Pavodle pastanovy dziaržorhana, Cichanoŭski pavinien zapłacić u biudžet 257 tysiač 992 rubli i 72 kapiejki.
Cichanoŭski padaŭ skarhu. Jaho intaresy ŭ ramkach razhladu spravy pradstaŭlała advakat Natalla Mackievič.
Padčas pasiadžeńnia pradstaŭnica dziaržorhana chadajničała ab razhladzie spravy ŭ zakrytym režymie, bo ŭ materyjałach fihurujuć dakumienty sa słužbovaj infarmacyjaj, jakija źmiaščajuć kamiercyjnuju i padatkovuju tajamnicu. Advakat Cichanoŭskaha zapiarečyła, padkreśliŭšy, što hetyja materyjały nie pradstaŭlenyja sudu i nie apisanyja. Natalla Mackievič taksama adznačyła, što zakrytyja sudovyja pasiadžeńni sparadžajuć u hramadstvie niedavier da spraviadlivaści i zakonnaści pryniaćcia rašeńniaŭ pa razhladanych spravach. Sud paśla praciahłaj narady pryniaŭ rašeńnie zrabić pasiadžeńnie zakrytym.
Nahadajem, 3 červienia ŭ dačnym domie Siarhieja Cichanoŭskaha pad Homielem pry pieratrusie znajšli 900 tysiač dalaraŭ. Pieratrus pravodziŭsia ŭ prysutnaści paniatych i maci palitviaźnia, na jakuju zarehistravany dom.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary