Usploski zakazaŭ picy kala Pientahona mahli śviedčyć pra budučuju ataku na Iran
Niekatoryja karystalniki ŭ X upeŭnieny, što pa vahańniach zakazaŭ u piceryjach pobač ź Pientahonam možna było zdahadacca pra budučuju ataku Izraila na Iran.
Sutnaść teoryi ŭ tym, što kali naśpiavaje mižnarodny kryzis, mnohim supracoŭnikam Pientahona davodzicca zastavacca da poźniaj nočy — i tady jany zamaŭlajuć picu, piša Bild.
Prykładna za hadzinu da pieršych vybuchaŭ u Tehieranie akaŭnt Pentagon Pizza Report u X zafiksavaŭ niezvyčajny ŭsplosk zakazaŭ ježy vakoł Ministerstva abarony ZŠA.
«Z 18:59 amal usie piceryi pobač ź Pientahonam zafiksavali rezkaje pavieličeńnie aktyŭnaści», — napisali aŭtary nazirańnia ŭ toj viečar.
Navat bar, što znachodzicca pobač, byŭ niezvyčajna pusty — jašče adna ŭskosnaja prykmieta taho, što ŭ ministerstvie prachodziła napružanaja noč.
Padobnaje ŭžo zdarałasia raniej: padčas izrailskaj ataki na Iran letaś, a taksama pierad uvarvańniem ZŠA ŭ Panamu ŭ 1989 hodzie i pačatkam vajny ŭ Iraku ŭ 1991 hodzie naziraŭsia prykmietny rost zakazaŭ ježy ŭ rajonie Pientahona, jak śćviardžajuć roznyja krynicy.
U samim Pientahonie jość fastfud, ale niama piceryi. A kali ŭsio terminova — zamaŭlajuć mienavita picu, tłumačyć hastranamičnaja płatforma The Takeout.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary
U toj ža čas i niebiaśpiečny prykład. Jak ciažka niešta całkam schavać u sučasnym śviecie.
Chutka - smačna