Demakratyčnaja lidarka Biełarusi razhornuta prakamientavała situacyju sa źnikłaj śpikierkaj Kaardynacyjnaj rady Anžalikaj Mielnikavaj. Pra heta Śviatłana Cichanoŭskaja zajaviła ŭ intervju Deutsche Welle.
«Situacyja strašnaja. Pierš za ŭsio prapaŭ čałaviek, my nie viedajem, dzie Anžalika, ci naohuł jana žyvaja. Ekśpierty schodziacca na dumcy, što jość śled KDB, ale kankretniej ničoha skazać nielha. Hetaj spravaj zajmajecca, i ja spadziajusia, što jany mohuć unieści niejkuju jasnaść, što adbyłosia», — skazała Śviatłana Cichanoŭskaja.
Jana adznačyła, što heta byŭ sihnał dla demakratyčnych sił, što treba pierahledzieć padychody da vieryfikacyi.
«Bo kali ty ŭ adnym ruchu, ty pracuješ na daviery. Ludzi teścirujucca niejkimi zadańniami, taksama pryhladajucca adzin da adnaho, ale kali ty bačyš, što čałaviek prychodzić pracavać z čystaj dušoj i samaaddana, to i pytańniaŭ nie ŭźnikaje. Ale heta sihnał nam, što treba bolš pilna padychodzić da pytańniaŭ vieryfikacyi. Kaardynacyjnaja rada pierahladaje svaju strukturu i pryncypy pracy, kab niemahčyma było hrošy vyvieści adnym čałaviekam», — adznačyła Cichanoŭskaja.
«U nas ofisie, ćfu-ćfu-ćfu, nie było nivodnaha takoha vypadku, ale suprać nas pracuje vialikaja mašyna, jany mohuć zasyłać svaich ludziej, vierbavać pa chodzie, i my pavinny być hranična pilnym. Hetaha niemahčyma paźbiehnuć, ale možna minimizavać. Za piać hadoŭ takich vypadkaŭ možna pieraličyć na palcach», — dadała palityk.
«Ja spadziajusia, što ŭsio dobra, ale my nie viedajem, dzie jana», — viarnułasia Cichanoŭskaja da situacyi ź Mielnikavaj i dadała, što vialikim udaram była ataka na «Biełaruski Hajun», u vyniku čaho prajekt zakryŭsia.
***
Pra toje, što Anžalika Mielnikava prapała, stała viadoma 28 sakavika paśla zajavy Paŭła Łatuški.
Razam z tym viadoma, što jana pakinuła terytoryju Polščy i Jeŭrasajuza 26 lutaha 2025 hoda. Pavodle rasśledavalnikaŭ, za dzień da vyletu jana zabraniravała pražyvańnie ŭ piacizorkavym hateli na Šry-Łancy, dzie ŭžo byvała raniej. Z 28 lutaha pa 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jejny śled hublajecca.
Pavodle «Kibierpartyzanaŭ», u sakaviku z rachunku fondu Mielnikavaj byli vyviedzienyja vialikija sumy hrošaj, što pryznačalisia dla «Kibierpartyzanaŭ» i Kaardynacyjnaj rady — ahułam z rachunku vyvieli 150 tysiač dalaraŭ.
Paśla hetaha kantaktavała z paplečnikami z Kaardynacyjnaj rady praź videasuviaź, ale nie praz asabistyja sustrečy: kazała, što chvareje. 25 sakavika pierastała vychodzić na suviaź. 13 sakavika jejny telefon vykarystoŭvali dla dostupu da fajłaŭ Kaardynacyjnaj rady ź biełaruskaha IP-adrasu — imavierna, telefon byŭ na terytoryi Biełarusi.
Dzie jana znachodzicca zaraz — nieviadoma. Mahčyma, jana mieła ramantyčnuju suviaź z ahientam biełaruskich śpiecsłužbaŭ.
«Mielnikava nie ŭpisvajecca ŭ vobraz zakachanaj durnički». Prakopjeŭ ahučyŭ svaju viersiju
«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami
Kachanak Mielnikavaj Alaksiej Łabiejeŭ słužyŭ u KDB z 2019 hoda
«Užo nie viedaješ, kudy źviartacca». Baćka Anžaliki Mielnikavaj raskazaŭ, što jamu viadoma pra dačku
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary