Bujnyja rasijskija naftavyja kampanii z pačatku maja nie pastaŭlajuć naftu na Navapołacki NPZ, śviedčyć statystyka, ź jakoj aznajomiŭsia «Interfaks».
Tak, za 16 dzion maja na «Naftan» z Rasii pastavili 54,8 tys. ton «inšymi nietrakarystalnikami» (heta značyć, tymi, što nie ŭvachodziać, pavodle terminałohii aficyjnaj statystyki, u pieralik asnoŭnych). Heta na 20,7 tys. ton u sutki mienš u paraŭnańni z papiarednim miesiacam.
Na Mazyrski NPZ z pačatku miesiaca pastavili 300 tys. ton nafty z Rasii (-1,2 tys. ton /s da krasavika). Asnoŭnymi hruzaadpraŭščykami źjaŭlajucca «ŁUKOJŁ», «Hazpram nafta» i «Rasnafta», pryčym dźvie apošnija kampanii pavialičyli abjomy ŭ paraŭnańni ź minułym miesiacam.
Jak paviedamlałasia, trubapravodnyja pastaŭki nafty z Rasii na NPZ Biełarusi ŭ mai zapłanavanyja ŭ abjomie 608 tys. ton, što ŭ 2 razy mienš, čym u krasaviku. Pry hetym raźbiŭka pastavak pa kožnym z zavodaŭ — Mazyrskim i Navapołackim NPZ — nie ŭdakładniałasia.
Minfin ZŠA 19 krasavika admianiŭ maratoryj na sankcyi ŭ dačynieńni da kancerna «Biełnaftachim», jaho handlovaha pradstaŭnictva ŭ ZŠA i siami pradpryjemstvaŭ, jakija ŭvachodziać u jaho skład, u pryvatnaści, NPZ «Naftan», jaki dziejničaŭ z kastryčnika 2015 hoda.
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha30
Kamientary