Piać hadoŭ chatniaj chimii prosić prakuror dla žycharki Žodzina, jakaja sarvała masku ź milicyjanta
Sud horada Žodzina pačaŭ razhlad kryminalnaj spravy ŭ dačynieńni da Nastaśsi Hieryłovič, jakaja pa viersii śledstva sarvała masku z supracoŭnika milicyi i tym samym ździejśniła hvałt albo pahrozu prymianieńnia hvałtu ŭ dačynieńni da supracoŭnika orhanaŭ unutranych spraŭ (art 364), piša spring96.org.
U vieraśni minułaha hoda pa internecie raźlaciełasia videa z Žodzina, na jakim milicyjant bje žančynu pa tvary, jana padaje na ziamlu. Da milicyjanta adrazu ž padbiehli aburanyja žodzincy, adna ź ich — Anastasija Hieryłovič — sarvała ź jaho masku.
Bolš za paŭhoda pytańniaŭ da žančyny nie ŭźnikała, ale 7 krasavika jaje zatrymali i raspačali kryminalnuju spravu ab hvałcie nad supracoŭnikam milicyi.
Na dopycie žančyna raspaviała, što ŭ toj samy dzień jana hulała ŭ horadzie, ubačyła vialikuju kolkaść ludziej, a potym toje, što milicyjant mocna ŭdaryŭ žančynu ŭ tvar, i taja ŭpała. Heta jaje vielmi ŭschvalavała, i, znachodziačysia ŭ mocnym emacyjnym uzrušeńni, jana padbiehła i vyrašyła sarvać masku, kab ubačyć, chto heta. Jana nie chacieła, kab paśla takoha ŭčynku milicyjant zastaŭsia nieapaznanym.
Siońnia dziaržabvinavaŭca zaprasiŭ dla Hieryłovič piać hadoŭ abmiežavańnia voli biez nakiravańnia va ŭstanovu adkrytaha typu (chatniaja chimija).
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary