«Mama, mnie vielmi soramna, što ja tut». Maci Dźmitryja Hopty sa Žłobina sustrełasia z synam u kałonii
Maci palitviaźnia, asudžanaha da dvuch hadoŭ kałonii, Dźmitryja Hopty atrymała pieršaje paśla SIZA spatkańnie z synam, jaki adbyvaje pakarańnie ŭ kałonii №3 u Viciebsku, piša spring96.org.
Dźmitryju Hoptu — 21 hod, jon maje psichičnaje zachvorvańnie, źviazanaje sa značnym parušeńniem pavodzin, jakoje patrabuje dohladu i lačeńnia, z-za hetaha maje razumovuju adstałaść. Tym nie mienš sud Žłobinskaha rajona asudziŭ jaho adrazu pa dvuch artykułach KK (Arhanizacyja i padrychtoŭka dziejańniaŭ, jakija hruba parušajuć hramadski paradak, hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ).
26 maja Volha Hopta ŭbačyłasia z synam u Vićbie.
Pieršaje ŭražańnie maci: Dźmitryj vyhladaje bolš darosłym čym raniej, bolš surjoznym. Tym nie mieniej, pry razmovie čas ad času na tvary syna prastupajuć ślozy. Jon dahetul nie moža zrazumieć, čamu jon patrapiŭ u źniavoleńnie.
«Mama, mnie vielmi soramna, što ja tut. Ja nie razumieju, za što ja tut siadžu».
— Syn raspaviadaŭ, što samym ciažkim i strašnym dla jaho byŭ etap. U vahonie pieravozili ŭvieś čas u kajdankach, ruki skavanyja za śpinaj, a pierad pasadkaj u aŭtazak jon byŭ apranuŭ kurtku. U aŭtazaku było dušna i horača, adnak z-za kajdankoŭ achoŭniki zabaranili jamu raspranucca. Dzima kaža, što navat kiraŭnictva kałonii samo nie razumieje, jak jon moh patrapić siudy, — raspaviadaje maci pra svaje ŭražańni ad sustrečy z synam.
Dźmitryj taksama raskazaŭ, što ŭ SIZA jamu listoŭ nie addavali, a kali pieravodzili ŭ kałoniju — addali ceły pačak listoŭ.
Jašče ŭ SIZA jamu prysłali banderollu ŭ padarunak maleńkaha cacačnaha miadźviedzika. Pra heta tolki skazali, ale sam padarunak nie pieradali. Tolki kali prybyŭ u kałoniju, zmoh atrymać miadźviedzika.
Na spatkańni jon, płačučy, pytaŭsia ŭ maci, ci sapraŭdy jana jaho nie lubić i jon nikomu nie patrebny.
«Vidać, jon nie razumieje, što jaho padtrymlivajem usie my. Mahčyma, tam infarmacyjny vakuum i syn nie viedaje, što robicca na voli,» — raspaviadaje Volha.
Taksama maci raspaviała, što ŭ kałonii Dźmitryj pracuje na šviejnaj vytvorčaści, abrazaje nitki. Praca ŭ dźvie źmieny, tamu časam syn pakul nie vysypajecca.
Adras: papraŭčaja kałonija №3, 211 322, Viciebskaja vobłaść, h. p. Vićba.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary