Čylijskaja futbolnaja zbornaja pryniała bieśpiłotnik enierhietyčnaj kampanii za špijonski aparat
Incydent mieŭ miesca padčas padrychtoŭki da hulni kvalifikacyjnaha raŭnda Čempijanatu śvietu.
Adnosiny pamiž čylijskim i arhiencinskim futbołam — adzin z samych jaskravych prykładaŭ futbolnaha supiernictva. Tamu nie dziva, što kali hulcy čylijskaj nacyjanalnaj zbornaj padčas treniroŭki pabačyli nad polem bieśpiłotnik, jany paličyli, što heta — špijonski dron zbornaj Arhienciny, ich supiernika pa hulni ŭ ramkach kvalifikacyi da Čempijanatu śvietu — 2022.
Tady kamanda padniała ŭ nieba ŭłasny dron, jaki chutka dastaviŭ uniz «špijonskuju kamieru». Ale akazałasia, što padazrony bieśpiłotnik, jaki prosta praviaraŭ vuličnaje aśviatleńnie, naležyć čylijskaj enierhietyčnaj kampanii, raspaviadaje VVS.
Incydent zdaryŭsia ŭ čylijskaj stalicy Sanćjaha na stadyjonie imia Chuana Pinta Durana, dzie treniravałasia paŭdniovaamierykanskaja kamanda. Jak pišuć miascovyja miedyja, mienavita trenier zbornaj Marcin Łasarte pryniaŭ rašeńnie pierachapić padazrony bieśpiłotnik.
U futbole i raniej hučali skarhi na špijanaž z dapamohaj dronaŭ. U 2014 hodzie trenier francuzskaj zbornaj Dzidźjo Dešamp zapadozryŭ niaładnaje, kali pierad pieršaj dla Francyi hulnioj čempijanatu śvietu, u jakoj kamanda pavinna była sustrecca z Handurasam, nad bazaj spartoŭcaŭ źjaviŭsia bieśpiłotnik. Dešamp navat źviarnuŭsia ŭ FIFA z prośbaj pravieści rasśledavańnie.
U 2017 hodzie anałahičnyja abvinavačvańni prahučali ŭžo z boku Handurasa. Kamanda zaŭvažyła padazrony bieśpiłotnik, jaki nibyta naležaŭ aŭstralijskaj zbornaj, padčas padrychtoŭki da hulni kvalifikacyjnaha raŭnda Čempijanatu śvietu.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary