Žyćcio trochrazovaha alimpijskaha čempijona Alaksandra Miadźviedzia pakładziena ŭ asnovu 8-sieryjnaha dziciača-junackaha kino «10 žyćciaŭ Miadźviedzia». Jaho vytvorčaść startavała ŭ stalicy.
Adnoj ź pieršych łakacyj, dzie prajšli zdymki, stali prastornyja pamiaškańni zabaŭlalnaha kompleksu na vuł. Kupały, 25. Tut zdymali masavuju scenu śviatkavańnia jubileju zasłužanaha spartsmiena. Akciory za stałami pradstaŭlali haściej, a rolu Miadźviedzia syhraŭ viadomy rasijski artyst Jaŭhien Sidzichin, paviedamlajuć Minsk-naviny.
Režysioram karciny vystupaje Andrej Kudzinienka, raniej jaki źniaŭ filmy «Akupacyja. Misteryi», «Masakra», «Chard rebut». Jon i Ksienija Vilčynskaja-Kržyžanoŭskaja napisali scenar.
Pavodle siužeta, maładym chłopcam treba prajści svojeasablivy kvest pa žyćciach lehiendarnaha bajca.
— Da kastynhu ja zusim ničoha nie viedaŭ pra Alaksandra Miadźviedzia, ale paśla adboru pahruziŭsia ŭ śviet sportu, zapisaŭsia ŭ siekcyju baraćby, dzie zmahaŭsia z dahiestancami. U vyniku ŭ mianie skončylisia hrošy na treniroŭki, jak kaliści ŭ samoha Miadźviedzia, i ja praciahnuŭ zajmacca ŭ prostym spartzale, — raspavioŭ ab padrychtoŭcy da roli małady akcior.
Płanujecca, što «pieršaja Kinavideakampanija» ŭ 2022 hodzie pradstavić publicy jak 8-sieryjny film, tak i poŭnamietražnuju karcinu.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni19
Kamientary