(pavodle Volhi Daniševič)
Volha Daniševič. Žurnalistka i televiadoŭca. Viała muzyčnyja pieradačy «Padziemka» i «Zapalnička» na telekanale «Biełsat». Ciapier - redaktar i vydaviec publicystyčnych pieradač. Stałaja aŭtarka časopisu «Studenckaja dumka» (ciapier multymedyja-časopis «34»).
1. Zrabi kamieru svaim najlepšym siabram - prynamsi na čas zapisu. Chitry abjektyŭ nie padmanieš - lubaja tvaja niaščyraść, štučnaść ci niepadrychtavanaść na ekranie buduć jak na dałoni. A tamu:
2. Rychtujsia j jašče raz rychtujsia - lubaja spantannaść patrabuje dobraj padrychtoŭki. Nia vier, kali tabie kažuć, što stanieš pierad kamieraj i samo ŭsio pojdzie. Paśla 2 hadzinaŭ pacieńnia pad televizijnymi lampami ŭžo budzie nie da impravizacyi, jakraz tady zahadzia napisany tekst staniecca tvaim ščaślivym paratunkam.
3. Ździŭlaj - biaz hetaha tvaju pieradaču pieraklučać užo paśla pieršaj chviliny sa słovami «znoŭ hetaja nudota». Jak pracuješ na aktyŭnaje pakaleńnie moładzi 2000-ch, to musiš uciamić, što televizar užo nie hladziać, kab zabić čas, abo zapoŭnić cišyniu ŭ pakoi - dla hetaha jość filmy z netu dy muzyka ŭ kampie. Chočaš, kab hladzieli ciabie - budź niečakanym, pravakuj dy nie paŭtaraj nikoha.
4. Vyjdzi da ludziej - ciapier ciažka niekaha zacikavić televizijnym praduktam, nie prapanujučy adno hołuju karcinku. Vyjdzi pa-za miežy karobki - zrabi staŭku na interaktyŭnaść: sajt pieradačy, konkursy, roliki i kantakty z Netu, - nie hrebuj ničym, kab ustalavać kantakt z hledačom.
5. Nie spyniajsia na dasiahnutym. Pośpiech na ekranie nie viečny. Siońnia ty budzieš najlepšym viadoŭcam, zaŭtra za tvaju manieru stajać pierad kameraj ciabie abśviściać. Raźvivajsia, šukaj novyja tendencyi dy investuj u siabie. Zaniatki ź lahapiedam, dens-škoła, praca doma pierad lusterkam - miežaŭ dla samaŭdaskanaleńnia niama.
6. Niasi pazytyŭ - i da ciabie paciahnucca. Nehatyvu vakoł i tak zašmat, kab šukać jaho jašče j na teleekranie.
7. Łavi śviežyja trendy, šukaj novyja fejsy i budź hatovy pierahledzieć svaje ŭčarašnija idei dla dasiahnieńnia lepšaha vyniku siońnia.
8. Źniešni vyhlad - častka tvajho pośpiechu. Budź hatovy da śmiełych ekśpierymientaŭ, ale pamiataj: toje, što ŭ žyćci hladzicca supier, na ekranie čaściakom - nie vielmi. I naadvarot: lepš davierycca prafiesijanału-stylistu.
9. Źniešni vyhlad-2: navat samy prafesijny vizažyst nie schavaje trochdzionnaha niedasypu dy niastačy enerhii ŭ vačach. Vysnova: daviadziecca vysypacca dy sačyć za svaim hrafikam.
10. Rabi svaju spravu z zapałam i kreatyŭna. Navat chałodna-dystancyjny styl pavodzinaŭ na ekranie patrabuje vialikaj zaanhažavanaści dy enerhii. Mlavy, abyjakavy viadoŭca - dobraja nahoda, kab pieraklučycca na inšy kanał. Sučasnaść patrabuje dynamiki. I takim musiš być ty.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary