Amierykanskaha palicejskaha, jaki zabiŭ Džordža Fłojda, prysudzili da 22,5 hoda turmy
Sud u Minieapalisie prysudziŭ byłoha palicejskaha Dereka Šavina da 22,5 hoda źniavoleńnia za zabojstva afraamierykanca Džordža Fłojda, pieradaje ria.ru.
Pasiadžeńnie tranślavali amierykanskija telekanały.
Sudździa Piter Kechił zajaviŭ, što prysud zasnavany nie na hramadskim mierkavańni i «nie na emocyjach i simpatyjach». Jon vykazaŭ spačuvańni siamji zahinułaha.
Źviartajučysia da Šavina, sudździa rastłumačyŭ, što prysudžaje jaho da terminu, jaki na dziesiać hadoŭ bolšy, čym pryniataje dla padobnaha złačynstva źniavoleńnie ŭ 150 miesiacaŭ.
«Heta rašeńnie zasnavana na vašym złoŭžyvańni ŭładaj i davieram, a taksama na toj asablivaj žorstkaści, jakuju vy prademanstravali ŭ dačynieńni da Džordža Fłojda», — dadaŭ Kechił.
Čakajecca, što Šavin zmoža pretendavać na ŭmoŭna-daterminovaje vyzvaleńnie praz 15 hadoŭ — dźvie traciny terminu. Abvinavačvańnie prasiła dla padsudnaha 30 hadoŭ turmy. Jak zajaviŭ namieśnik hienprakurora Miniesoty Mećju Frank, jon dziejničaŭ žorstka, cynična, u prysutnaści dziaciej, parušajučy normy pavodzin palicejskaha.
Sam Šavin vykazaŭ spačuvańni siamji Fłojda, ale prasić prabačeńnia nie staŭ. «Ja chaču vykazać maje spačuvańni siamji Fłojda. Jość niekatoraja infarmacyja, jakaja ŭ budučyni budzie mieć cikavaść i, spadziajusia, niekalki supakoić vas», — skazaŭ eks-palicejski ŭ apošnim słovie pierad prysudam.
Zabojstva Fłojda 25 maja 2020 hoda spravakavała masavyja pratesty i biesparadki pa ŭsioj terytoryi ZŠA, a taksama dyskusiju ŭ hramadstvie ab nieabchodnaści refarmavać palicyju.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary