Łukašenka pra vykanańnie «Mahutnaha Boža» 3 lipienia: Hladzicie, narviaciesia
2 lipienia padčas vystupu na schodzie ŭ honar Dnia Niezaležnaści Alaksandr Łukašenka pieraściaroh ad vykanańnia relihijnaha himna «Mahutny Boža».
«Ciapier vy bačycie: jany chočuć paviarnuć historyju nazad, reabilitavać svaich dziadoŭ i pradziedaŭ i zaviaršyć imi pačatuju spravu. Tamu vyjšli razburać suvierennuju dziaržavu. Heta niejmavierna: da sakralnych miescaŭ našaj dziaržaŭnaści jany rušyli pad ściahami fašysckich najmitaŭ-palicajaŭ. I apošni čas našy srodki masavaj infarmacyi ŭsio bolš raspaŭsiudžvajuć fakty ab tym, što ŭ kaściołach chočuć pamalicca [h.zn. 3 lipienia] pad «Mahutny Boža». Hladzicie, narviaciesia», — cytuje słovy Łukašenki jaho pres-słužba.
Vierš «Mahutny Boža» byŭ napisany Natallaj Arsieńnievaj u Minsku ŭ 1943 hodzie. U 1947-m byŭ pakładzieny na muzyku Mikołam Ravienskim. Tradycyjna vykonvaŭsia ŭ chramach u kancy bahasłužby. Ën nabyŭ novuju papularnaść u hramadstvie sa žniŭnia 2020 hoda.
Na prapanovu ad uładaŭ pravieści 3 lipienia ahulnabiełaruskuju malitvu za Biełaruś, u kuryi katalickaj Minska-Mahiloŭskaj dyjacezii tady adkazali, što kataliki ŭ hety dzień buduć malicca ab jednaści i supakoi ŭ našaj krainie, a taksama kuryja zaachvočvaje naprykancy śviatoj imšy vykanać himn «Mahutny Boža», «u jakim budziem prasić Usiemahutnaha Boha, kab zachavaŭ nas i naš kraj ad usiaho złoha».
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary