Etnołah, jakaja pracuje ŭ Polskaj akademii navuk, raspaviała, jakim bačyć novaje pakaleńnie biełarusaŭ
Prafiesar Hanna Enhielkinh, etnołah, jakaja pracuje ŭ Instytucie słavistyki Polskaj akademii navuk, raspaviała ŭ intervju vydańniu «Biełarusy i rynak», jakim bačyć novaje pakaleńnie biełarusaŭ.
«Novaje biełaruskaje pakaleńnie — heta fienamienalnaje ŭvasableńnie jeŭrapiejskaści ŭ jaje najbolš pazityŭnym vyhladzie, heta značyć — demakratyčnaja adkrytaść, inicyjatyva, supolnyja dziejańni dziela palapšeńnia cełaha hramadstva, adnačasova — padtrymka roŭnaści. Heta najbolš pazityŭnyja detali jeŭrapiejskaha prajekta, jakija dobra zasvoiła pakaleńnie novaj Biełarusi, nakiravanaje ŭ Jeŭropu.
A druhi aśpiekt: hetaje pakaleńnie — nośbit tradycyjnych biełaruskich kaštoŭnaściaŭ, jakija arhanična harmanizujucca z takoj jeŭrapiejskaj nienacyjanalistyčnaj demakratyčnaj adkrytaściu. Tradycyjnyja kaštoŭnaści, jakija byli pakazanyja padčas revalucyjnych padziejaŭ minułaha, — mirny nieahresiŭny ruch, bieź nianaviści, jaki prymaje i tych, chto jość na inšym baku, jany taksama našy, i metaj jość dałučeńnie ich u prajekt novaj Biełarusi. Tradycyjnyja kaštoŭnaści biełarusaŭ (maju na ŭvazie pieradusim žyćcio, hodnaść i spraviadlivaść) akazalisia nadzvyčaj aktualnymi i sučasnymi dla Jeŭropy.
Bazaj dla mirnaha prajektu novaj Biełarusi stała takaja vartaść, charakternaja dla biełaruskaj kultury, jak kaštoŭnaść žyćcia. Nielha nie adznačyć i rolu žančyn, možna pahladzieć na Śviatłanu Cichanoŭskuju i na žančyn, jakija vystupili suprać hvałtu. Jany ŭvasablajuć nieahresiŭny duch žančyn, jaki maje dva kryły — hodnaść i spraviadlivaść. Heta hałoŭnyja łozunhi i hałoŭnaja vartaść biełaruskich źmienaŭ. Hetyja kaštoŭnaści nie źjavilisia z pavietra tolki siońnia. Jany majuć vielmi hłybokija karani ŭ tradycyjnaj biełaruskaj kultury, u jakoj pieradusim staić čałaviek, a nie niejkaja ideałohija», — miarkuje prafiesar Hanna Enhielkinh.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary