Inhryda Šymanicie skazała, što ŭrad razhladaje mahčymaść zvarotu da inšych krain ES z prośbaj raźmiaścić nielehałaŭ u svaich dziaržavach, pakul razhladajuć ich zajaŭki na atrymańnie statusu ŭciekačoŭ. Premjer skazała, što tak pastupiać, kali situacyjaj budzie składana kiravać, paviedamlaje Delfi.lt.
Pra heta jana zajaviła ŭ paniadziełak paśla sustrečy ź jeŭrapiejskim kamisaram pa ŭnutranych spravach Ilvaj Jochansan.
Jochansan skazała, što ES zrobić usio, što mahčyma, kab dapamahčy Litvie ŭrehulavać hety kryzis.
«My pavinny pakazać, što niama svabodnaha dostupu na terytoryju ES. Litva, ES, krainy Šenhiena pavinny pieraharadzić nielehalny dostup u šenhienskuju prastoru. Voś čamu my, uvieś ES, padtrymlivajem Litvu, kab my mahli abaraniać našu ahulnuju miažu ź Biełaruśsiu».
«Ciapier hałoŭnaje — spynić nielehalnaje praniknieńnie ŭ Litvu i vysłać hetych ludziej nazad. My, jak Jeŭrakamisija, majem mižnarodnyja pahadnieńni, jurydyčnyja pahadnieńni z trecimi krainami i pavinny skarystacca ŭsimi svaimi paŭnamoctvami dla zabieśpiačeńnia vykanańnia hetych pahadnieńniaŭ», — padkreśliła jeŭrakamisar.
-
U Varšavie niejtralizavali dron nad uradavymi budynkami. Zatrymali dvuch hramadzian Biełarusi
-
Jeŭrasajuz adkazaŭ na patrabavańnie Trampa admovicca ad rasijskich enierharesursaŭ
-
MZS Polščy pra zakryćcio miažy: Dumajem pierš za ŭsio pra dziaržaŭnuju biaśpieku, a nie pra ekanamičnuju vyhadu abo vydatki
Ciapier čytajuć
Žonka Statkieviča raskazała, pra što paśpieła parazmaŭlać ź im13
Kamientary