Ułady kitajskaha horada Uchań pravierać usich svaich 12 miljonaŭ žycharoŭ na najaŭnaść karanavirusa. U horadzie, dzie virus źjaviŭsia ŭ kancy 2019 hoda, paćvierdzilisia pieršyja vypadki zaražeńnia štamam Delta.
Uchań, jaki ŭpieršyniu daŭ śvietu ŭjaŭleńnie ab karancinie, nie paviedamlaŭ ab miascovych vypadkach karanavirusa ź siaredziny maja minułaha hoda, ale ŭ paniadziełak ŭłady paćvierdzili try novyja vypadki varyjanta Delta, paviedamlaje Reuters.com
«Kab harantavać biaśpieku ŭsich žycharoŭ horada, budzie chutka zapuščana ahulnaharadskoje testavańnie nukleinavych kisłot dla ŭsich ludziej, kab całkam vyklučyć stanoŭčyja vyniki i bieśsimptomnyja infiekcyi», — skazaŭ Li Cian — čynoŭnik stalicy centralnaj pravincyi Chubej.
Novyja vypadki zachvorvańnia va Uchani, razam ź infiekcyjami ŭ bližejšych haradach Czinčžou i Chuanhan byli źviazany z vypadkami, vyjaŭlenymi ŭ horadzie Chuajań u pravincyi Cziansu.
Uspyška ŭ Cziansu, jak miarkujuć, pačałasia ŭ stalicy pravincyi Nankin, pryčym varyjant Delta, chutčej za ŭsio, źjaviŭsia padčas rejsa z Rasii, zajavili aficyjnyja asoby.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary