SAAZ: Patrabavańnie vakcynacyi nie pavinna być umovaj pry pajezdkach za miažu
Hetuju pazicyju Suśvietnaj arhanizacyi achovy zdaroŭja (SAAZ) paćvierdziŭ u piatnicu na bryfinhu ŭ Ženievie jaje aficyjny pradstaŭnik Taryk Jašarevič.
«SAAZ z samaha pačatku jasna zajaŭlała: my nie ličym, što vakcynacyja pavinna być umovaj dla mižnarodnych pajezdak», — skazaŭ aficyjny pradstaŭnik, piša TASS.
Padstavaj dla takoj pazicyi źjaŭlajecca toje, što, pakul u śviecie adsutničaje roŭny dostup da vakcyn ad COVID-19, nie varta «dadavać jašče adzin punkt dyskryminacyi» ŭ dačynieńni da ludziej, u jakich niama takoha dostupu, rastłumačyŭ Jašarevič.
Razam z tym, pavodle jaho słoŭ, SAAZ padtrymlivaje ŭviadzieńnie «ličbavaj siertyfikacyi vakcyn i pracuje nad technałahičnymi rašeńniami, jakija tyčacca ŭzajemadziejańnia pamiž siertyfikatami».
Kamientary