Upraŭleńnie SK pa Mahiloŭskaj vobłaści padoŭžyła pravierku pa fakcie śmierci ŭ kałonii № 17 u Škłovie ŭ mai 2021 hoda palitviaźnia Vitolda Ašurka, paviedamiŭ BiełaPAN jaho brat Andrej Ašurak.
«Pravierka pradoŭžana ŭ suviazi z tym, što praciahnuli čas ekśpiertyzaŭ. Ja spytaŭ, jakija viersii razhladajucca, na što śledčy skazaŭ, što niama ekśpiertyzaŭ — niama viersij», — skazaŭ Ašurak.
Pavodle jaho słoŭ, padčas razmovy jon źviarnuŭ uvahu surazmoŭcy na toje, što na videazapisie, jaki SK apublikavaŭ, «stan Vitolda Michajłaviča — biesśviadomy», «z hetym śledčy pahadziŭsia». Andrej Ašurak taksama vykazaŭ zdahadku, što z zahinułym abychodzilisia nienaležnym čynam.
Da hetaha času nieviadomy los dziońnika Vitolda Ašurka, pra jaki palitviazień zhadvaŭ u listach i jaki nie addali svajakam z astatnimi asabistymi rečami. Pa słovach brata, śledčy padaŭ zapyt u turmu № 1 u Hrodnie, dzie palitviazień znachodziŭsia ŭ apošni čas da etapavańnia ŭ kałoniju. Adkaz adtul pakul nie pryjšoŭ.
Kamientary