Dačce — 3 hady realnaj chimii, maci — 2,5 chatniaj: u Hrodnie za marš 6 vieraśnia asudzili troch žančyn
Trom haradzienkam — Hańnie Maroz, a taksama Ale Harackievič i jaje dačce Halinie — 16 žniŭnia vynieśli prysud. Sudździa suda Kastryčnickaha rajona Hrodna Maksim Hałubovič pryznaŭ usich vinavatymi, pieradajuć pravaabaroncy.
Žančyn sudzili za ŭdzieł u pratesnym maršy ŭ Hrodnie na vulicy Harnavych 6 vieraśnia 2020 hoda. Ich vinavacili pa dvuch kryminalnych artykułach: č. 1 art. 342 KK RB (Arhanizacyja hrupavych dziejańniaŭ, jakija hruba parušajuć hramadski paradak i źviazanyja ź vidavočnym niepadparadkavańniem zakonnym patrabavańniam pradstaŭnikoŭ ułady ci jakija paciahnuli parušeńnie pracy transpartu), a taksama art. 364 KK RB (Hvałt abo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). U prysudzie sudździa pierakvalifikavaŭ artykuł 364 KK RB na častku 2 artykuła 363 KK RB (Supraciŭ supracoŭniku orhanaŭ unutranych spraŭ pry vykanańni im abaviazkaŭ pa achovie hramadskaha paradku). I ŭ sukupnaści pa dvuch artykułach pryznačyŭ usim trom žančynam pakarańnie:
-
Ała Harackievič — 2 hady i 6 miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»);
-
Halina Harackievič — 3 hady abmiežavańnia voli z nakiravańniem u papraŭčuju ŭstanovu adkrytaha typu;
- Hanna Maroz — 4 hady abmiežavańnia voli biez nakiravańnia ŭ papraŭčuju ŭstanovu adkrytaha typu.
Kala paŭsotni čałaviek pryjšło, kab padtrymać žančyn padčas vyniasieńnia prysudu.
Ciapier čytajuć
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia1
Kamientary