Brytanski matematyk raspavioŭ, čamu treba myć ruki nie mienš za 20 siekund
Tolki tak možna pazbavicca ad bakteryj i virusaŭ na skury.
Viadoma, što myćcio ruk — efiektyŭny sposab spynić raspaŭsiud infiekcyj, ale dahetul fizika nie vyvučała asablivaści hetaj źjavy. Ale niadaŭna brytanski matematyk Poł Chemand stvaryŭ madel, jakaja nahladna tłumačyć fiziku myćcia ruk.
Zhodna ź im, efiektyŭnaść myćcia zaležyć ad aktyŭnaści treńnia dałoniaŭ. Ale navat tady, kali čałaviek robić usio pravilna, treba čas, kab pazbavicca ad bakteryj na pavierchni skury. Razmova idzie jak minimum pra 20 siekund, piša Daily Mail.
Madel, stvoranaja Chemandam u supracoŭnictvie z kalehami, pradstaŭlaje myćcio ruk jak uzajemadziejańnie dźviuch pavierchniaŭ, pamiž jakimi znachodzicca vadkaść. Padčas myćcia ruk hetyja pavierchni trucca adna ab adnu. Čaścinki nakštałt virusaŭ i bakteryj traplajuć u pahłybleńni ŭ hetych pavierchniach, tamu patrebny mocny patok vady, kab zmyć hetyja čaścinki sa skury. Siła patoku, u svaju čarhu, zaležyć nie tolki ad naporu vady, ale i ad taho, nakolki enierhična dałoni trucca adna ab adnu padčas myćcia.
Chemand tłumačyć, što praces možna paraŭnać z pazbaŭleńniem ad plamy na futbołcy. Čym bolš enierhična idzie treńnie, tym bolš vierahodna, što škodnyja čaścinki buduć zmytyja sa skury. Adnak madel Poła Chemanda nie ŭličvaje bijałahičnyja i chimičnyja faktary, źviazanyja z myćciom ruk, naprykład, prymianieńnie antybakteryjalnaha myła.
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary