Bolšaść ekśpiertaŭ ličać, što štam «delta» nie daść čałaviectvu pazbavicca ad virusa.
Užo bolš za paŭtary hady ludzi va ŭsim śviecie marać pra zakančeńnie pandemii kavidu. Zdavałasia, što čałaviectva vyratuje vakcynacyja, ale źjaviŭsia novy štam «delta», na jaki mohuć zachvareć navat pryščeplenyja ludzi. Dyk ci atrymajecca ŭ nas nazaŭsiody pazbavicca ad virusa?
Novaja praca novaziełandskich daśledčykaŭ, apublikavanaja ŭ vydańni British Medical Journal Global Health, śćviardžaje: nie varta adchilać mahčymaść taho, što kavid budzie źniščany. Ekśpierty kažuć, što ŭsio jašče mahčyma źnizić kolkaść zaražeńniaŭ va ŭsim śviecie da nula i nie dapuskać źjaŭleńnia novych, pakul nie budzie mahčyma admovicca ad mier pieraściarohi, piša Huffpost.
Navukoŭcy paraŭnali kavid ź dźviumia inšymi chvarobami — vospaj i palijomijelitam. Pry hetym całkam źniščanaja tolki vospa, a vypadki palijomijelitu jašče majuć miesca ŭ Afhanistanie i Pakistanie. Daśledčyki ličać, što pieramahčy kavid budzie bolš ciažka, čym vospu, ale bolš lohka, čym palijomijelit. Pačynać treba z taho, kab damahčysia vakcynacyi patrebnaj kolkaści ludziej i zabiaśpiečyć adpaviednaść vakcyn novym štamam virusa.
Ź inšaha boku, šerah ekśpiertaŭ ličać, što niemahčyma dasiahnuć kalektyŭnaha supraćkavidnaha imunitetu. Hetamu pieraškadžaje zaraznaść štama «delta», jakuju možna paraŭnać z zaraznaściu vietranoj vospy, a taksama nizkaja chutkaść vakcynacyi. Naprykład, u ZŠA zaraz tolki pałova nasielnictva prajšła poŭnuju vakcynacyju, a ŭ niekatorych inšych krainach kolkaść całkam pryščeplenych ad kavidu hramadzian mienš za 1%.
Pry hetym navat kali kavid zastaniecca z nami nazaŭždy, chutčej za ŭsio čałaviectva zdoleje viarnucca da adnosna zvykłaha žyćcia. Virus moža pieratvarycca ŭ chvarobu našktałt hrypa, jon praciahnie cyrkuliravać u čałaviečaj papulacyi. Ludziam, u svaju čarhu, čas ad času spatrebicca znoŭ prachodzić praz vakcynacyju, kab źnizić vierahodnaść ciažkaha ciačeńnia chvaroby.
-
Natchnionyja «Aziempikam» farmkampanii ŭstupili ŭ honku pa raspracoŭcy anałahaŭ dla žyvioł
-
Cudaŭ nie budzie dla tych, chto spadziavaŭsia schudnieć biez dyjety. Papularnaje intervalnaje haładańnie nie dziejničaje biez deficytu kałoryj
-
U Minsku adkryjuć dźvie dziaržaŭnyja vietkliniki z kruhłasutačnym pryjomam
Kamientary