Prezident Estonii prapanavała ES raźmiaścić u krainie siły SPA dla strymlivańnia Rasii
Kierści Kaljułajd prapanavała ES prafinansavać stvareńnie ŭ krainie SPA siaredniaj dalokaści: pa jaje słovach, krainy Bałtyi, u tym liku Estonija, raschodujuć na abaronu bolš za 2% VUP, adnak u ich pa-raniejšamu niama srodkaŭ supraćpavietranaj abarony siaredniaha radyusa dziejańnia.
Kiraŭnik dziaržavy prapanavała Bruselu stvaryć miechanizm, jaki dapamoža raźmiarkoŭvać hetyja vydatki, adznačyŭšy, što stvareńnie sistemy supraćpavietranaj abarony ŭ krainach Bałtyi mahło b być prafinansavana z Fondu zhurtavańnia ES.
Supracoŭnictva krain Jeŭrasajuza ŭ halinie abarony dapamoža adpudzić Rasiju, skazała Kierści Kaljułajd, piša Postimees.ee.
«Kali b byli hatovyja z hetym ruchacca napierad, padtrymka Jeŭrasajuzam dziejnaści NATA była b na vielmi vysokim uzroŭni. Kali nie hatovyja ruchacca napierad, sapraŭdy niama sensu surjozna kazać ab supracoŭnictvie Jeŭrasajuza ŭ halinie abarony», — skazała Kaljułajd, pa słovach jakoj, na heta moža syści 10-15 hadoŭ.
Kamientary