Karpienka: My pavinny spynić publična krytykavać nastaŭnika, kab nie padryvać jaho aŭtarytetu
Pra heta ministr adukacyi Ihar Karpienka zajaviŭ u efiry telekanała ANT, piša BiełTA.
«Našy baćki časam nie zadumvajucca ab nastupstvach niejkich svaich dziejańniaŭ. Ja razumieju, što ja ministr, palityčnaja fihura, mianie krytykujuć — ja da hetaha ŭžo hatovy. Ale my pavinny spynić publična krytykavać nastaŭnika, bo tym samym padryvajem jaho aŭtarytet u vačach školnika. Davajcie spynim publičnaje abmierkavańnie nastaŭnikaŭ, dla hetaha jość inšyja formy: piedsaviety, baćkoŭskija schody, piedahahičnyja supołki, kalehii Ministerstva, ale nie internet i ŭžo sapraŭdy nie školniki pavinny abmiarkoŭvać z baćkami albo jašče z kim-niebudź nastaŭnika», — upeŭnieny Ihar Karpienka.
Akramia taho, ministr raskazaŭ ab płanavanych źmienach u školnaj sistemie. Tak, buduć bolš žorstkimi patrabavańni da pierachodu ŭ profilny kłas.
«Siońnia dla hetaha patrabujecca siaredni bał 6 i 7 pa profilnym pradmiecie. My padymajem na 7 i 8 bałaŭ adpaviedna. My taksama z 2023 hoda hatovyja byli b pravodzić vypuskny ekzamien, sumieščany z CT. Prachodzić jon budzie ŭ centrach testavańnia, jak heta prachodzić i ciapier. Pry hetym u škole zastanucca vypusknyja ekzamieny: dla vučniaŭ bazavych kłasaŭ — ekzamien pa pracoŭnym navučańni z prysvajeńniem kvalifikacyi, jaki my płanujem zrabić abaviazkovym, a dla školnikaŭ profilnych kłasaŭ — zamiežnaja mova», — raspavioŭ jon.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary