FOTAFAKT. Kolki kaštuje hadzińnik Dźmitryja Baskava, jaki siońnia staŭ sienataram?
Siońnia Dźmitryja Baskava pryznačyli sienataram. Pierad hetaj navinoj praŭładny telehram-kanał «Puł Pieršaha» apublikavaŭ fota ciapier užo byłoha staršyni biełaruskaj fiederacyi chakieja. «Puł Pieršaha» paraiŭ źviarnuć uvahu na parłamiencki značok na łackanie pinžaka Baskava, ale «Naša Niva» źviarnuła ŭvahu na inšy aksiesuar.
Na ruce maładoha čynoŭnika — elitny šviejcarski hadzińnik Ulysse Nardin. Jaho košt — ad 11 500 da 12 500 dalaraŭ.
Heta 20 siarednich biełaruskich zarpłat (kali brać aficyjnuju ličbu ŭ 1471 rubiel).
Za hetyja hrošy možna kupić dvuchpakajovuju kvateru ŭ Naroŭli ci Kryčavie albo adnušku ŭ Mazyry ci Śvietłahorsku. I jašče trochi hrošaj zastaniecca.
U 2020 hodzie Baskaŭ (tady hiendyrektar CHK«Dynama Minsk») kazaŭ, što chakiejem zarablaje nie bolš za 1000 dalaraŭ na miesiac.
Ale na niedachop hrošaj funkcyjanier nikoli nie skardziŭsia. Viasnoju 2020 jon kupiŭ šykoŭny dom u Ždanovičach — raniej za budynak u anhlijskim styli prasili bolš za miljon dalaraŭ, ale aficyjna Baskaŭ kupiŭ dom mienš čym za $400 tysiač. Dom zapisany na žonku Dźmitryja.
Akramia taho, Baskaŭ suzasnavalnik kampanii zabudoŭščyka «Davinstrojinviest», maje doli ŭ kampanijach, jakija zajmajucca prakładkaj inžyniernych sietak, aptovymi zakupkami telefanii i «aksiesuaraŭ dla IT».
Taksama Baskaŭ maje 15% akcyj kampanii «AjPaŭer» (ciapier «Akumulatarny aljans»), jakoj naležyć skandalna viadomy akumulatarny zavod u Breście.
Ciapier čytajuć
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju16
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary