Biełarusbank uvodzić novyja abmiežavańni pa niekatorych apieracyjach z kartkami dla abarony ad machlaroŭ
Bank uvodzić šerah abmiežavańniaŭ pry ździajśnieńni niekatorych apieracyj.
Raniej bankam ustanoŭleny limity na źniaćcie hrošaj z vykarystańniem ličbavych rekvizitaŭ kartak Biełarusbanka (tokienaŭ, zhienieravanych u mabilnych płaciežnych servisach) u bankamatach i punktach vydačy najaŭnych ciaham adnaho dnia ŭ pamiery nie bolš za 600 rubloŭ z kartak «Aksamit» i nie bolš za 1000 rubloŭ — ź inšych kartak banka.
Z 24 listapada ciaham adnaho dnia možna budzie atrymać nie bolš za 600 rubloŭ z kartak «Aksamit» i nie bolš za 1000 rubloŭ — ź inšych kartak banka pry źniaćci hrošaj bieskantaktnym sposabam, u tym liku z vykarystańniem ličbavych rekvizitaŭ kartak Biełarusbanka (tokienaŭ, zhienieravanych u mabilnych płaciežnych servisach) u bankamatach Biełarusbanka i inšych bankaŭ na terytoryi Biełarusi.
Za miežami krainy takija apieracyi buduć zabaronienyja.
Źniać nazvanyja limity pa kartkach kłuba «Aksamit» možna budzie tolki ŭ adździaleńniach banka pa zajavie trymalnika kartki abo jaho pradstaŭnika na padstavie davieranaści. Dla inšych kartak banka admiena limitaŭ mahčymaja ŭ adździaleńniach banka, a taksama pa zvanku ŭ kantakt-centr pa numary 147.
U vypadku, kali klijent užo admianiaŭ ustanoŭlenyja raniej limity, abmiežavańni, što ŭvodziacca z 24 listapada, da jaho kartak prymianiacca nie buduć.
Padrabiaźniej z abmiežavańniami možna aznajomicca tut.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary