Narviehija z 25 vieraśnia pačnie zdymać abmiežavańni na ŭjezd u krainu, uviedzienyja ŭ adkaz na raspaŭsiud karanavirusa. Hety praces budzie prachodzić u try etapy.
Pieršy etap pačniecca 25 vieraśnia ŭ 16:00 pa miascovym časie.
U chodzie pieršaha etapu kraina poŭnaściu adkryjecca dla hramadzian krain Jeŭrapiejskaj ekanamičnaj zony, a taksama dla Vialikabrytanii i Šviejcaryi.
Akramia taho, u hetuju hrupu taksama ŭvojduć žychary maleńkich krain za miežami Jeŭrapiejskaj ekanamičnaj zony, jakija buduć asobna vyznačany narviežskimi ŭładami. Nieabchodnaść zdavać test pry ŭjeździe zachavajecca dla hramadzian krain sa składanaj epidemičnaj situacyjaj, pry hetym całkam vakcynavanyja buduć vyzvalenyja ad testaŭ i karancinu.
Rašeńnie ab pačatku druhoha etapu i adkryćci krainy dla bolšaj kolkaści dziaržaŭ, u pryvatnaści sa śpisu trecich krain, składzienaha ES, jak udakładniŭ Kabmin, budzie prymacca ŭ druhoj pałovie kastryčnika.
Pakul nieviadoma, kali kraina płanuje pačać treci etap, ale miarkujecca, što ź jaho startam budzie admieniena patrabavańnie ab najaŭnaści PŁR-testu, ułady taksama vyznačać, jakija patrabavańni pry ŭjeździe buduć dziejničać da taho momantu.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary