Palitźniavolenuju Natallu Chierše pieraviaduć u mužčynskuju turmu?
Siońnia stała viadoma, što palitźniavolenuju Natallu Chierše źbirajucca pieravieści z papraŭčaj kałonii ŭ turmu. Takoje rašeńnie pryniaŭ sud na vyjaznym pasiadžeńni. Ciapier Natalla adbyvaje pakarańnie ŭ Homieli, kudy jaje etapirujuć — nie jasna. Asabliva z ulikam taho, što ŭ Biełarusi niama asobnych turmaŭ dla žančyn.
Pa zakonie pieravod u inšuju ŭstanovu za złosnaje parušeńnie paradku mahčymy.
«Naš kryminalna-pracesualny kodeks dapuskaje pieravod z papraŭčaj kałonii ŭ turmu na termin nie bolšy za try hady. Pakolki Natalli Chierše zastałosia adbyvać mienš za hety termin, jana moža znachodzicca ŭ turmie da zakančeńnia pryznačanaha sudom pakarańnia», — kaža juryst Hary Pahaniajła.
Pytańnie ŭ tym, što ŭ nas niama asobnych turmaŭ dla žančyn. Jak praviła, žančyny znachodziacca prosta ŭ asobnych kamierach.
Pa słovach pravaabaroncy Paŭła Sapiełki, situacyja, kali asudžanuju pieravodziać z kałonii ŭ turmu, — nadzvyčaj redkaja.
«Mužčyny-źniavolenyja praktyčna nie kažuć pra toje, što ŭ turmach byli kaliści žančyny. Hetyja vypadki stanavilisia nam viadomyja jak lehiendy: niechta čuŭ, što jany jość, nazyvali paru imionaŭ. Aficyjna statystyki pa hetaj katehoryi nie było.
Prablema ŭ tym, što kali nie budzie žančyn u turmie, to Natalla budzie faktyčna ŭ adzinočcy», — kamientuje Pavieł Sapiełka.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary