U Maskvie zatrymany žurnalist «Kamsamolskaj praŭdy», jaki napisaŭ artykuł pra Andreja Zielcera. Ciapier jon na Akreścina
Zatrymany žurnalist «Kamsamolskaj praŭdy» Hienadź Mažejka, pieradajuć pravaabaroncy.
Pa słovach maci Hienadzia Mažejki Iryny, pieratrus u kvatery žurnalista pravodzili supracoŭniki KDB, jon doŭžyŭsia kala dźviuch z pałovaj hadzin. U pastanovie na pieratrus paznačany dva artykuły KK:
— 130 č. 3 (Raspalvańnie rasavaj, nacyjanalnaj, relihijnaj albo inšaj sacyjalnaj varožaści) i art. 369 (Abraza pradstaŭnika ŭłady). Pieratrus pravodzili kala 7 čałaviek. Taksama razam ź imi byli dvoje paniatych (supracoŭniki skazali, što heta ludzi, jakich sustreli na vulicy), — raspaviadaje Iryna. — Kanfiskavali fłeš-nazapašvalniki, nalepki i znački 2001-ha hoda. Usio było vietliva.
Hienadzia padčas pieratrusu doma nie było. Jak miarkujecca, u hety čas jon znachodziŭsia na terytoryi Rasii.
— Apošni raz my razmaŭlali z synam pa videasuviazi dniom 30 vieraśnia. Tady jon byŭ u hateli ŭ Maskvie.
Unačy z 1 na 2 kastryčnika maci Hienadzia patelefanavali i skazali, što syn zatrymany i znachodzicca ŭ izalatary na Akreścina ŭ Miensku.
Mienavita jaho aŭtarstva stajała pad artykułam pra zabitaha Andreja Zielcera, paśla publikacyi jakoha sajt vydańnia byŭ zabłakavany. U artykule adnakłaśnica Zielcera padzialiłasia ŭspaminami pra jaho, stanoŭča adhuknułasia pra zabitaha. Jak ličyć hałoŭny redaktar «Kamsamolskaj praŭdy» Uładzimir Sunhorkin, heta i stała pryčynaj zatrymańnia jaho supracoŭnika.
Pres-sakratar Pucina asudziŭ takoje dziejańnie i nazvaŭ błakiroŭku «Kamsamołki» parušeńniem svabody słova.
Hienadź Mažejka pracuje ŭ «Kamsamolskaj praŭdzie» z 2009 hoda. Zvyčajna piša na aŭtamabilnuju tematyku, pra ŭzbrajeńnie i armiju. U toj dzień, kali vyjšaŭ materyjał pra Zielcera, Mažejka byŭ dziažurnym na sajcie.
Nočču z 11 na 12 žniŭnia 2020 hoda Hienadź Mažejka pracavaŭ u staličnym mikrarajonie Sierabranka. Jaho, fatohrafa i vadziciela vyciahnuli z mašyny i pabili siłaviki.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary