Novy hałoŭny trenier mužčynskaj zbornaj Biełarusi pa handbole Juryj Šaŭcoŭ pavinien być pradstaŭleny žurnalistam 22 lipienia.
Na hety dzień u Minskaj haradskoj ratušy pryznačana pres‑kanfierencyja z udziełam Šaŭcova i staršyni Biełaruskaj fiederacyi handboła Uładzimira Kanaplova, paviedamiŭ BiełaPAN namieśnik staršyni BFH Ivan Siemianienia.
U minułym siezonie nacyjanalnaj kamandaj kiravaŭ Hieorhij Śvirydzienka, jaki sumiaščaŭ hetuju pasadu z pracaj u niamieckim kłubie «Dziusieldorf». Zbornaja ŭdzielničała ŭ adboračnym turniry čempijanatu Jeŭropy 2010 hoda i nie zmahła prabicca ŭ finalnuju častku, zaniaŭšy ŭ svajoj hrupie treciaje miesca paśla Hiermanii i Słavienii.
Na pres‑kanfierencyi 14 červienia Uładzimir Kanaploŭ zajaviŭ, što ciapierašni skład mužčynskaj zbornaj Biełarusi pa handbole nie dazvalaje «vychodzić spakojna abo ŭ finał čempijanatu śvietu, abo vykonvać tyja zadačy, jakija pastaŭleny dziaržavaj i nam jak fiederacyi pa ŭdziele ŭ Alimpijskich hulniach 2012 hoda».
«Ahulnaja biada ŭsich trenieraŭ jak mužčynskich kamand, tak i žanočych, — heta drennaja psichałahičnaja padrychtoŭka», — zajaviŭ Kanaploŭ.U toj ža čas jon adznačyŭ: «U nas trenierski skład ciapier taki, što ja ni Śvirydzienku, ni Malinoŭskamu, ni Brazinskamu nie mahu nijakich pretenzij pradjavić, tamu što ludzi starajucca».
***
Juryj Šaŭcoŭ, jakomu ŭ śniežni spoŭnicca 50 hadoŭ, źjaŭlajecca alimpijskim čempijonam (1988) i čempijonam śvietu (1982), šaścirazovym čempijonam SSSR, trochkratnym uładalnikam Kubka jeŭrapiejskich čempijonaŭ i dvuchrazovym uładalnikam Kubka kubkaŭ, uładalnikam Supierkubka (u składzie minskaha SKA). Paśpiachova pracavaŭ u kłubach niamieckaj bundeślihi.
U 2005 hodzie ŭ intervju haziecie «Priessboł» Šaŭcoŭ zajaviŭ: «Nikoli nie pakidała dumka, što jašče daviadziecca pasiadzieć na łaŭcy nacyjanalnaj zbornaj Biełarusi. Nie budu tolki zahadvać, kali dla hetaha saśpieju».
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary