Ułada

Siabruje z kiraŭnikom HUBAZiK. Što viadoma pra Siarhieja Chamienku, jaki staŭ novym ministram justycyi

Pryznačeńnie ministram justycyi namieśnika ministra ŭnutranych spraŭ stała niečakanym dla mnohich. Čałaviek biez vyšejšaj jurydyčnaj adukacyi, absalutna nieznajomy advakackim i jurydyčnym kołam Biełarusi. Adnak ad jaho ŭžo čakajuć zakručvańnia hajek. Jaki jon, novy ministr? «Naša Niva» raspytała ŭ tych, chto viedaje Chamienku.

Fota: vb.by

Chamienka nie biełarus. Jon naradziŭsia na Danbasie ŭ 1966-m, u horadzie Jasinavataja, što ciapier znachodzicca pad kantrolem niepryznanaj DNR.

U 1987 hodzie jon skončyŭ vučelniu MUS u Ardžanikidze (ciapier — Uładzikaŭkaz). Słužyŭ u Siaredniaj Azii, davučvaŭsia ŭ Maskvie. Za hod da razvała Savieckaha Sajuza trapiŭ u Biełaruś i zastaŭsia tut słužyć.

Atrymlivaŭ pavyšeńni za pavyšeńniami: kiravaŭ V/Č 5448, potym pajšoŭ u štab unutranych vojskaŭ, potym — načalnikam Departamienta achovy. Namieśnikam ministra ŭnutranych spraŭ staŭ sa śniežnia 2019-ha.

Što cikava, na niejkim etapie jamu pierajšoŭ darohu Karajeŭ — niekali jon byŭ nižejšym pa pasadzie, čym Chamienka, jakomu mroiłasia pasada kiraŭnika ŭnutranych vojskaŭ, ale Łukašenka abraŭ Karajeva.

«Chamienka — typovy starejšy aficer unutranych vojskaŭ. Admietnaść u tym, što ŭ lubuju ščylinu jon zabirajecca samastojna, da ŭsiaho jamu jość sprava, ludziej nie škaduje, pavodzić siabie hanarliva i idzie pa hałovach», — kažuć znajomyja ź im.

Jak namieśnik ministra jon kiravaŭ dźviuma «hłaŭkami»: hałoŭnym upraŭleńniem kadraŭ i hałoŭnym upraŭleńniem ideałahičnaj raboty. Apošniaje pry Chamienku pierastała isnavać. Ale heta nie navatarstva — skaračeńni i ŭtvareńni pravobraza ideałahičnaj słužby adbyvajucca ŭ niejkim sensie rehularna. Zamiest hetaha źjaviłasia novaje «ŭpraŭleńnie pa kaardynacyi słužbovaj dziejnaści».

Taksama pry Chamienku Čamadanava syšła z MUS. Jość viersija, što mienavita jon spryčyniŭsia da raźviadzieńnia ŭ baki Čamadanavaj i dueta Padvojskaha — Kazłova.

Cikava, što letam 2020-ha Chamienka kiravaŭ zvodnym atradam centralnaha aparata MUS, što raźmiaščaŭsia ŭ budynku na Haradskim Vale.

«Zabaŭlaŭsia tym, što pa dziesiać razoŭ na dzień vystrojvaŭ atrad u poŭnaj amunicyi va ŭnutranym dvary. Hety atrad staŭ pradmietam kpinaŭ kaleh, — adznačajuć našy krynicy. — Zadziejničali hety «elitny» rezierv tolki z 10-ha žniŭnia, adpraviŭšy va ŭžo apuściełuju Sierabranku, dzie ŭsich «začyścili» da ich.

Ubačyŭšy heta, «elitny» atrad, sfarmavany z aficeraŭ centralnaha aparata, pajšoŭ hulać pa sierabranskich dvarach pad maciernuju łajanku žycharoŭ, łoviačy ŭ kaski syryja jajki i ŭsio astatniaje». Potym hetuju prahułku pa pustych dvarach aformili jak «bajavy» vyjezd i razdali premii».

Pry hetym u milicejskim asiarodku Chamienku krytykujuć za niaŭmieńnie vykazvacca. Taki typovy strajavy vajenny.

«Milicyja — heta narodnaje vojska, jakoje pryznačana dla taho, kab dzieci śmiajalisia, staryki, kchm, radavalisia, em, tym pracesam, jakija adbyvajucca ŭ nas u krainie, nu i, kaniečnie ž, pracavali pradpryjemstvy», — tak jon apisaŭ svajo razumieńnie instytuta MUS.

«Chamienka — čałaviek učorašniaha dnia, pry hetym arhaničnaja kandydatura dla Vajennaha kabinieta ministraŭ. Vodzić ciesnaje siabroŭstva z kiraŭnikom HUBAZiK Andrejem Paršynym, — ličyć kaleha Chamienki. — Uličvajučy niastrymnuju enierhiju HUBAZiKa ŭ hienieracyi absurdnych pravavych idej, jakija nie zdolnyja prajści nivodnuju jurydyčnuju ekśpiertyzu, novy ministr, vyhladaje, utvoryć z HUBAZiK svojeasablivy duet z adpaviednymi nastupstvami.

Instytut prava dehradavaŭ, i ciapier u asobie takich Chamienak jamu staviać pomnik. Śližeŭski byŭ daloki ad ideała jurysta, ale mieŭ niejkaje razumieńnie. A z Chamienkam prosta lehalizoŭvajecca toje, što adbyvajecca.

Sprava ŭ tym, što bolšaść ukazaŭ Łukašenki i druhich zahadaŭ inšych ludziej prosta niekanstytucyjnyja i nikoli b nie prajšli nijakaj jurydyčnaj ekśpiertyzy.

Tamu apošnim časam uziali modu zahaniać zahady i ŭkazy pad DSP. Tak źmianšajecca koła dapuščanych, mienšaja ekśpiertyza, a kali zrabić «sakretnym», to ŭvohule nijakaj ekśpiertyzy niepatrebna.

Ja tak razumieju, z Chamienkam u Miniusta navat žadańnia nie budzie sunuć svoj ekśpiertny nos u toje, što adbyvajecca z pravam».

Čytajcie taksama:

Pieramieny ŭ Miniuście: ministram pryznačyli siłavika. Za što źniali Śližeŭskaha i što budzie dalej?

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

Nie ihnarujcie hetyja źmieny skury — jany mohuć śviedčyć pra pačatak dyjabietu6

Pasoł Vienhryi pa-majstersku syhrała na arhanie ŭ kaściole ŭ Mahilovie3

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał7

Nachabnyja źbiralniki hrošaj na prajezd u Minsku ŭžo prosiać pieravod na kartku2

U Mahilovie idzie śpiektakl 18+, jaki karystajecca šalonaj papularnaściu — hledačy pryjazdžajuć ź inšych haradoŭ10

Hruzija pastrožyć praviły znachodžańnia zamiežnikaŭ, ažno da vydvareńnia1

Kaho čaściej za ŭsio kusajuć kamary? Daviedalisia ŭ vučonaha1

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić