Redaktar «Virtualnaha Bresta» atrymaŭ 1,5 hoda «chatniaj chimii» za kamientar pad fota deputata Marzaluka
Sud prysudziŭ hałoŭnamu redaktaru vydańnia «Virtualny Brest» Andreju Kucharčyku paŭtara hoda abmiežavańnia voli pa artykule «Abraza pradstaŭnika ŭłady». Na nastupny dzień sajt vydańnia pierastaŭ adkryvacca.
Pra sud nad Andrejem Kucharčykam paviedamili pravaabaroncy. Pavodle infarmacyi telehram-kanała «Viasna | Brest», sud pačaŭsia ŭ čaćvier 21 kastryčnika, a ŭžo na nastupny dzień razhlad kryminalnaj spravy zaviaršyŭsia.
Kucharčyka abvinavačvali pa artykule 369 KK RB «Abraza pradstaŭnika ŭłady». Pavodle viersii abvinavačvańnia, u telehram-čacie «Abmiarkoŭvajem niebiaśpiečny Brest» pad fatahrafijaj deputata Pałaty pradstaŭnikoŭ Ihara Marzaluka Kucharčyk napisaŭ kamientar z abrazaj.
Sudździa Jaŭhien Brehan pahadziŭsia z dovadami abvinavačvańnia i pryznačyŭ hałoŭredu paŭtara hoda «chatniaj chimii» (abmiežavańnia voli biez nakiravańnia ŭ papraŭčuju ŭstanovu).
Na nastupny dzień — 23 kastryčnika — sajt «Virtualnaha Bresta» pierastaŭ adkryvacca ź Biełarusi.
«Aficyjna infarmacyju ab błakavańni my pakul nie atrymlivali, ale heta pytańnie času, — paviedamiła vydańnie. — Što my budziem rabić dalej — paviedamim krychu paźniej, ale pracavać dla vas u zabłakavanym stanie niama sensu, tak što pakłapaciciesia ab pošuku inšych krynic infarmacyi zahadzia, bałazie, jany pakul jašče jość. Vierahodna, niejki čas my budziem dapracoŭvać, jak minimum da NH, kab zakryć pytańni z rekłamadaŭcami, a dalej pahladzim».
Heta ŭžo druhoje błakavańnie «Virtualnaha Bresta»: u žniŭni 2020-ha byŭ zabłakavany damien virtualbrest.by, ciapier ža ź Biełarusi stała niemahčyma zajści na sajt-lusterka ŭ zonie.ru.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary