U Rasii sud pryznačyŭ vialikuju hrašovuju kampiensacyju za śmierć mužčyny z-za niapravilnaha lačeńnia kavidu
Astrachanski abłasny sud pryniaŭ rašeńnie spahnać z rajonnaj balnicy bolš za 14 tysiač dalaraŭ kampiensacyi žančynie, muž jakoj pamior z-za niapravilnaha lačeńnia COVID-19.
Pieršapačatkova advakat patrabavaŭ dla žančyny kampiensacyju ŭ try razy bolšuju, adnak sud zadavoliŭ pazoŭ tolki častkova.
Jak raspavioŭ advakat Branicki, 13 červienia 2020 hoda 60-hadovy Siarhiej Miadźviedzieŭ źviarnuŭsia pa miedycynskuju dapamohu ŭ rajonnuju balnicu Achtubinska sa skarhami na kašal i bol u hrudziach. Jon papiaredziŭ miedykaŭ ab tym, što kantaktavaŭ ź ludźmi, jakija zarazilisia karanavirusam, adnak u mužčyny analiz na najaŭnaść virusa ŭ arhaniźmie nie ŭziali i pryznačyli lačeńnie hrudnym zboram. Praź niekalki dzion stan Miadźviedzieva pahoršaŭ, i jaho špitalizavali. Pa słovach advakata, mužčynu adpravili ŭ zvyčajnaje infiekcyjnaje adździaleńnie.
Analiz na karanavirus u Miadźviedzieva ŭziali tolki 22 červienia, praź dzieviać dzion paśla źjaŭleńnia pieršych simptomaŭ. Jon pamior u toj ža dzień, zaražeńnie COVID-19 ustanavili paśmiarotna.
Žonka Miadźviedzieva paśla jaho śmierci źviarnułasia ŭ Śledčy kamitet, była zaviedzienaja kryminalnaja sprava ab kampiensacyi maralnaj škody, źviazanaj z pryčynieńniem škody žyćciu i zdaroŭju. Sudmiedekśpierty znajšli niedakładnaści ŭ akazanaj mužčynu mieddapamozie, ale nie źviazali ich sa śmierciu.
-
Jeŭrakamisija pradstaviła prapanovy pa 20‑m pakiecie sankcyj suprać Rasii. Jaho majuć pryniać da hadaviny vajny
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni40
Kamientary