U Minsku apošnimi hadami adznačajecca rost zachvorvańnia dziaciej ad adnaho da 18 hadoŭ.
Pra heta paviedamiła načalnik adździeła lačebna‑prafiłaktyčnaj dapamohi dzieciam i maci kamiteta pa achovie zdaroŭja Minharvykankama Iryna Ušakievič na pres‑kanfierencyi 24 lipienia.
Zaraz dzicia da piaci hadoŭ u siarednim chvareje 2,5 razu na hod, ad 5 da 10 hadoŭ — 2,3 razu, ad 10 da 14 hadoŭ — 1,7 razu, ad 15 da 18 hadoŭ — 2 razy na hod. Pavodle słoŭ Ušakievič, heta dastatkova vysokija pakazčyki.
Zakłapočanaść u miedykaŭ vyklikaje, najpierš, stan zdaroŭja padletkaŭ, jakija najbolš schilnyja da zachvorvańniaŭ: padčas sacyjalizacyi jany biaruć prykład z darosłych i nabyvajuć tyja ž zahany i chvaroby. Apošnimi hadami rost zachvorvańnia padletkaŭ u paraŭnańni ź inšymi ŭzrostavymi hrupami najbolš vysoki. Adziny ŭzrost, u jakim udałosia damahčysia źnižeńnia zachvorvańnia, — da adnaho hoda. Za apošnija piać hadoŭ niemaŭlaty stali chvareć u piać razoŭ radziej.
Pavodle mierkavańnia Ušakievič, rehistravany rost zachvorvańniaŭ dziaciej ad adnaho da 18 hadoŭ šmat u čym źviazany z palapšeńniem abstalavańnia miedycynskich ustanoŭ. Sučasnaja aparatura dazvalaje vyjaŭlać navat «minimalnyja prajavy chvaroby». Svoj uniosak u ahulny rost zachvorvańnia robiać taksama dzieci ź ciažkimi pryrodžanymi patałohijami. Raniej takich dziaciej nie zaŭsiody ŭdavałasia vychadzić pry naradžeńni, adznačyła śpiecyjalist. Akramia taho, pavodle mierkavańnia Ušakievič, na dziciačym zachvorvańni adbivajecca sučasnaja situacyja ŭ siamji, kali na pieršaje miesca baćki staviać nie dzicia, a karjeru.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku12
Kamientary