«Jon usim dziakavaŭ za padtrymku». Baćka sustreŭsia z palitviaźniem Ściapanam Łatypavym
Minski haradski sud 16 listapada pakinuŭ bieź źmienaŭ prysud palitviaźniu Ściapanu Łatypavu. 17 listapada ź im sustreŭsia baćka ŭ minskim SIZA № 1 na Vaładarskaha, piša Radyjo Svaboda.
«Usio dziejstva (razhlad apielacyi) zaniało kala 35 chvilin, ź jakich 20 chvilin «raiłasia» sudovaja kalehija, — skazaŭ baćka palitviaźnia Siarhiej Łatypaŭ pra razhlad apielacyi na prysud. — Kamientavać tut niama čaho. Usio było pieradvyznačana zahadzia, i apielacyja ŭsiaho tolki sudovaja farmalnaść. Iluzij nichto nie mieŭ. Ciapier u našaj krainie takaja sudovaja praktyka pastaŭlena na kanviejer».
Siońnia Siarhiej Łatypaŭ mieŭ sustreču ŭ SIZA z synam, jakaja ciahnułasia hadzinu. Razmaŭlali, jak zvyčajna, praz telefon.
«Ściapan vyhladaje narmalna, upeŭniena, spakojna. Rychtujecca da etapu ŭ kałoniju. Usio nieabchodnaje ŭ jaho jość, — kaža Siarhiej. — My abmiarkoŭvali asabistyja pytańni. Jon usim dziakavaŭ za padtrymku, listy, pasyłki i hrašovyja pieravody». U jakuju kałoniju nakirujuć Ściapana Łatypava, pakul nieviadoma.
Ściapanu Łatypavu prysudzili 8,5 hoda pazbaŭleńnia voli ŭ kałonii ŭzmocnienaha režymu i štraf u 300 bazavych vieličyń. Jaho abvinavacili pavodle troch kryminalnych artykułaŭ: 342-ha («Arhanizacyja i padrychtoŭka dziejańniaŭ, jakija hruba parušajuć hramadzki paradak, abo aktyŭny ŭdzieł u ich»), 363-ha («Supraciŭleńnie supracoŭniku milicyi») i č. 4 art. 209 («Machlarstva ŭ asabliva bujnym pamiery»). Padčas suda 1 červienia Ściapan Łatypaŭ sprabavaŭ zabić siabie — jon uvatknuŭ asadku sabie ŭ horła. Paśla hetaha palitviaźnia praapieravali ŭ adnoj z balnic.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary