Pramy praŭnuk Iosifa Džuhašvili (Stalina) Sielim Biensaada źviarnuŭsia ŭ Słužbu kamiendanta Maskoŭskaha Kramla z zajavaj ab praviadzieńni ekshumacyi pareštkaŭ byłoha savieckaha lidara.
Pra heta ŭ piatnicu raspavioŭ pres-ataše Biensaada Vadzim Haržankin, piša Deuscthe Welle.
Pavodle jaho słoŭ, praŭnuk Stalina zacikaŭleny ŭ pošuku sapraŭdnych pryčyn jaho śmierci, a taksama chacieŭ by vykanać paśmiarotnuju volu byłoha hienieralnaha sakratara. Haržankin skazaŭ, što pry žyćci kiraŭnik SSSR nieadnarazova vykazvaŭ pažadańnie paśla śmierci być pachavanym na Novadziavočych mohiłkach, dzie spačyvaje prach jaho druhoj žonki Nadziei Aliłujevaj, adnak jaho paśmiarotnaja vola vykanana nie była.
«Rodny praŭnuk Stalina maje prava patrabavać vykanańnia voli Stalina», — miarkuje jon.
Sialim Biensaada naradziŭsia ŭ Maskvie ŭ 1971 hodzie i źjaŭlajecca unukam zahinułaha ŭ 1943 hodzie ŭ kancłahiery Zaksenchaŭzen Jakava Džuhašvili, starejšaha syna Stalina.
Stalin pieršapačatkova byŭ pachavany ŭ Maŭzalei razam ź Leninym. Ale ŭ noč na 1 listapada 1961 hodu cieła było vyniesiena z Maŭzaleja i pachavana ŭ mahile la Kramloŭskaj ściany.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj5
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary