Načalnik Hienštaba zajaviŭ ab farmavańni «kolcaŭ anakondy» vakoł našaj krainy
Nieabhruntavanaje z vajennaha punktu hledžańnia stvareńnie bujnych hrupovak vojskaŭ na terytoryi sumiežnych krain istotna pavyšaje ŭzrovień niebiaśpieki.
Pra heta havorycca ŭ aficyjnaj zajavie načalnika Hienieralnaha štaba Uzbrojenych sił — pieršaha namieśnika ministra abarony Biełarusi hienierał-majora Viktara Huleviča, paviedamlaje BiełTA.
«Kali na minułym tydni našymi raźviedvalnymi orhanami byli vykrytyja 12 palavych łahieraŭ dla raźmiaščeńnia vajskoŭcaŭ i techniki, to ŭžo siońnia my majem infarmacyju ab razhortvańni 14 takich łahieraŭ. Ich utrymańnie dazvalaje raźmiaščać niekalki dziasiatkaŭ tysiač vajskoŭcaŭ. Naściarožvaje i toje, što akramia stvareńnia hrupovak vojskaŭ na polskaj terytoryi, naroščvajuć svaje kantynhienty i našy prybałtyjskija susiedzi — Litva i Łatvija.
A kali jašče ŭličvać ahresiŭnyja pavodziny Ukrainy ŭ dačynieńni da Biełarusi, to, pa sutnaści, vakoł našaj krainy farmujecca «pojas niedružalubnych dziaržaŭ» pa pryncypie viadomaj amierykanskaj kancepcyi «kolcaŭ anakondy»», - zajaviŭ Viktar Hulevič.
Pry hetym, pa jaho słovach, parušajucca ŭsie mižnarodnyja damoŭlenaści ŭ pytańniach biaśpieki i transparentnaści vajennaj dziejnaści.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary