Žurnalist biełaruskaj «Kamsamołki» Hienadź Mažejka choča napisać knihu pra toje, jak jaho pasadzili za artykuł
Žurnalista biełaruskaj «Kamsamołki» Hienadzia Mažejku pakinuli ŭ SIZA jašče na 2 miesiacy — da 1 lutaha. Pra heta «Kamsamolskaj praŭdzie» paviedamili jaho svajaki. 1 śniežnia minaŭ termin aryštu, ale było pryniata rašeńnie padoŭžyć jaho.
Taksama advakatka žurnalista raspaviała, što joj udałosia naviedać Hienadzia.
«Zdarovy, poŭny tvorčych płanaŭ», — napisała jana.
Akramia taho, pa słovach abaroncy, Mažejka «dumaje nad napisańniem knihi pa svajoj historyi».
Hienadzia Mažejku źniali z karancinu pa karanavirusie paśla 35 dzion u izalacyi. Ciapier advakaty mohuć ź im sustrakacca, a taksama jon moža atrymlivać pieradačy i listy.
Taksama advakaty padavali chadajnictva ab źmienie miery ŭtrymańnia, u tym liku na chatni aryšt abo zakład, adnak śledstva jaho nie zadavoliła.
Padstavaj dla zatrymańnia žurnalista stała jaho natatka na sajcie kp.by. Paśla taho jak Andrej Zelcer zastreliŭ supracoŭnika KDB, Hienadź uziaŭ nievialikaje intervju ŭ adnakłaśnicy Zelcera, dzie jana raspaviadaje pra jaho ŭ školnyja hady. Paśla vychadu hetaj natatki sajt «Kamsamolskaj praŭdy ŭ Biełarusi» kp.by byŭ zabłakavany, a sam Hienadź zatrymany. Jon abvinavačvajecca pavodle dvuch artykułaŭ: «Abraza supracoŭnika pravaachoŭnych orhanaŭ» i «Raspalvańnie sacyjalnaj varožaści».
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary