Журналіст беларускай «Камсамолкі» Генадзь Мажэйка хоча напісаць кнігу пра тое, як яго пасадзілі за артыкул
Журналіста беларускай «Камсамолкі» Генадзя Мажэйку пакінулі ў СІЗА яшчэ на 2 месяцы — да 1 лютага. Пра гэта «Камсамольскай праўдзе» паведамілі яго сваякі. 1 снежня мінаў тэрмін арышту, але было прынята рашэнне падоўжыць яго.
Таксама адвакатка журналіста распавяла, што ёй удалося наведаць Генадзя.
«Здаровы, поўны творчых планаў», — напісала яна.
Акрамя таго, па словах абаронцы, Мажэйка «думае над напісаннем кнігі па сваёй гісторыі».
Генадзя Мажэйку знялі з каранціну па каранавірусе пасля 35 дзён у ізаляцыі. Цяпер адвакаты могуць з ім сустракацца, а таксама ён можа атрымліваць перадачы і лісты.
Таксама адвакаты падавалі хадайніцтва аб змене меры ўтрымання, у тым ліку на хатні арышт або заклад, аднак следства яго не задаволіла.
Падставай для затрымання журналіста стала яго нататка на сайце kp.by. Пасля таго як Андрэй Зэльцэр застрэліў супрацоўніка КДБ, Генадзь узяў невялікае інтэрв'ю ў аднакласніцы Зэльцэра, дзе яна распавядае пра яго ў школьныя гады. Пасля выхаду гэтай нататкі сайт «Камсамольскай праўды ў Беларусі» kp.by быў заблакаваны, а сам Генадзь затрыманы. Ён абвінавачваецца паводле двух артыкулаў: «Абраза супрацоўніка праваахоўных органаў» і «Распальванне сацыяльнай варожасці».
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары